|
ລັດຖະບານຈີນໄດ້ສຳຫຼວດພິຈາລະນາແລະຮັບຮອງໂດຍທາງຫຼັກການຕໍ່ຮ່າງກົດຂໍ້ກຳນົດວ່າດ້ວຍການປ່ຽນຖ່າຍອະໄວຍະວະຂອງຄົນ
cri
ຕາມຂ່າວສານຊິນຮວາ, ລັດຖະບານຈີນໄດ້ສຳຫຼວດພິຈາລະນາແລະຮັບຮອງໂດຍທາງຫຼັກການຕໍ່ຮ່າງກົດຂໍ້ກຳນົດວ່າດ້ວຍການປ່ຽນຖ່າຍອະໄວຍະວະຂອງຄົນ.ຮ່າງກົດຂໍ້ກຳນົດໄດ້ລະບຸໄວ້ວ່າ,ການບໍລິຈາກອະໄວຍະວະຕ້ອງເຄົາລົບຄວາມປາຖະໜາຂອງຜູ່ບໍລິຈາກ,ປະຕິບັດຕາມຫຼັກການທີ່ບໍລິຈາກດ້ວຍຄວາມອາສາສະໝັກແລະບໍ່ເອົາຄ່າຕອບແທນ,ຫ້າມບໍ່ໃຫ້ຄ້າຂາຍອະໄວຍະວະຂອງຄົນ.
ວັນທີ21ມີນານີ້,ຢູ່ທີ່ປັກກິ່ງ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນໄດ້ເປັນປະທານຈັດກອງປະຊຸມປະຈຳການຂອງຄະນະລັດຖະບານຈີນ,ກອງປະຊຸມຊີ້ອອກວ່າ,ການສ້າງກົດຂໍ້ກຳນົດດັ່ງກ່າວມີຄວາມໝາຍສຳຄັນຕໍ່ການເຮັດໃຫ້ການຄຸ້ມຄອງການປ່ຽນຖ່າຍອະໄວຍະວະຂອງຄົນໃຫ້ເປັນລະບຽບແບບແຜນ,ຮັບປະກັນຄຸນນະພາບແລະຄວາມປອດໄພຂອງການປິ່ນປົວ,ປົກປ້ອງສິດແລະຜົນປະໂຫຍດທີ່ຊອບກົດໝາຍຂອງຜູ່ບໍລິຈາກ,ຄົນເຈັບ,ອົງການປິ່ນປົວແລະພະນັກງານປິ່ນປົວ,ເຮັດໃຫ້ໝາກຜົນດ້ານແພດສາດລາຍນີ້ສ້າງຄວາມສຸກໃຫ້ແກ່ມວນຊົນໃຫ້ດີກວ່າເກົ່າ.
ການສ້າງກົດຂໍ້ກຳນົດດັ່ງກ່າວໄດ້ເປັນເອກະສັນກັນກັບຮີດສາກົນທົ່ວໄປ,ໃນເວລາຮ່າງກົດຂໍ້ກຳນົດ,ໄດ້ຮັບຟັງຄວາມເຫັນຂອງຜູ່ຊ່ຽວຊານແລະນັກປາດດ້ານຕ່າງໆຂອງຈີນແລະຕ່າງປະເທດເຊັ່ນແພດສາດ,ນິຕິສາດ,ສັງຄົມວິທະຍາ,ຈະລິຍະສາດ,ສິດທິມະນຸດເປັນຕົ້ນ,ແລະໄດ້ຂໍຄວາມເຫັນຈາກອົງການອະນາໄມໂລກໂດຍສະເພາະ.
|
|
