|
ເຈົ້າໜ້າທີ່ກະຊວງສາທາລະນະສຸກຈີນກ່າວວ່າຕ້ອງເພີ່ມການຕິດຕາມກວດກາການປະຕິບັດກົດໝາຍດ້ານສາທາລະນະສຸກ
cri
ຕາມຂ່າວCRI,ວັນທີ23ມີນານີ້,ຢູ່ທີ່ປັກກິ່ງ,ທ່ານເສິນຊ້ຽວຫົງ ລັດຖະມົນຕີຊ່ວຍວ່າການກະຊວງສາທາລະນະສຸກຈີນກ່າວວ່າ,ໃນຂົງເຂດສາທາລະນະສຸກແລະການບໍລິການປິ່ນປົວ,ໂດຍປິ່ນອ້ອມບັນຫາທີ່ປະຊາຊົນສົນໃຈແລະຕຳນິສົ່ງຂ່າວຫຼາຍກວ່າໝູ່,ຕ້ອງເພີ່ມການປະຕິບັດກົດໝາຍ ຮັບປະກັນສິດແລະຜົນປະໂຫຍດດ້ານສຸຂະພາບຂອງພົນລະເມືອງໃຫ້ໄດ້ຮັບການປົກປ້ອງຢ່າງບັງເກີດຜົນ.
ທ່ານເສິນຊ້ຽວຫົງແມ່ນໃຫ້ທັດສະນະດັ່ງກ່າວໃນກອງປະຊຸມຕິດຕາມກວດກາວຽກງານສາທາລະນະສຸກທົ່ວປະເທດຈີນທີ່ຈັດຂຶ້ນໃນມື້ດຽວກັນ.
ທ່ານກ່າວວ່າ,ການຕິດຕາມກວດກາຂະແໜງການບໍລິການການປິ່ນປົວໃນປີນີ້ມີຈຸດສຸມລວມທັງ ການຕໍ່ຕ້ານການປິ່ນປົວຢ່າງຜິດກົດໝາຍ,ກວດກາແລະລົງໂທດຕໍ່ການກະທຳຜິດກົດໝາຍເຊັ່ນການເຮັດສັນຍະກຳເພື່ອເພີ່ມຄວາມງາມແບບຜິດກົດໝາຍ,ການໂຄສະນາການປິ່ນປົວຢ່າງຜິດກົດໝາຍເປັນຕົ້ນ,ຕໍ່ຕ້ານການໃຫ້ສິນບົນໃນຂົງເຂດຈັດຊື້ແລະຈຳໜ່າຍຢຸກຢາ,ດຳເນີນການສັບຊ້ອນຕະຫຼາດອາຫານໂດຍສະເພາະເປັນຕົ້ນ.
|
|
