|
|
 |
| (GMT+08:00)
2007-03-26 16:03:40
|
 |
|
ຈີນຍິນດີພ້ອມກັນກັບຫວຽດນາມຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປສູ່ລະດັບສູງໃຫມ່
cri
Author: sayvanny
ຕາມຂ່າວ cri :ວັນທີ 25 ມີນານີ້ ຢູ່ປັກກິ່ງ, ທ່ານຖາງເຈ່ຍຊວນ ທີ່ປຶກສາແຫ່ງລັດຈີນກ່າວວ່າ, ຝ່າຍຈີນຍິນດີພ້ອມກັນກັບຝ່າຍຫວຽດນາມທຳຄວາມພະຍາຍາມ, ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປສູ່ລະດັບສູງໃຫມ່.
ໃນເວລາພົບປະທ່ານຟາມເກຍຄຽມ ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມ,ທ່ານຖາງເຈ່ຍຊວນກ່າວວ່າ, ໃຕ້ຄວາມພະຍາຍາມຮ່ວມກັນຂອງສອງຝ່າຍ, ການພົວພັນລະຫວ່າງຈີນກັບຫວຽດນາມໄດ້ມີຄວາມຄືບຫນ້າໃຫມ່ເລື້ອຍໆ.ພັກແລະລັດຖະບານຈີນເອົາໃຈໃສ່ໃນລະດັບສູງຕໍ່ການພົວພັນລະຫວ່າງຈີນກັບ ຫວຽດນາມ, ຍິນດີພ້ອມກັບຝ່າຍຫວຽດນາມທຳຄວາມພະຍາຍາມ,ຕັ້ງຫນ້າຜັນຂະຫຍາຍຄວາມຮັບຮູ້ຄືກັນທີ່ສຳຄັນທີ່ເລຂາທິການໃຫຍ່ຂອງສອງພັກເຊັນກັນໃນເວລາຢ້ຽມຢາມກັນປີກາຍນີ້,ເພີ່ມທະວີການຮ່ວມມືໃນຂົງເຂດການເມືອງ ເສດຖະກິດ ວັດທະນະທຳແລະສັງຄົມ, ຊຸກຍູ້ການພົວພັນລະຫວ່າງຈີນຫວຽດນາມໃຫ້ຂະຫຍາຍເຖິງລະດັບສູງໃຫມ່.
ທ່ານຟາມເກ່ຍຄຽມກ່າວວ່າ, ຜູ່ນຳຂອງສອງຝ່າຍໄດ້ຊີ້ທິດຂະຫຍາຍການພົວພັນລະຫວ່າງສອງປະເທດແລ້ວ, ຝ່າຍຫວຽດນາມຍິນດີພ້ອມກັບຝ່າຍຈີນເປີດກວ້າງແລະລົງເລິກການແລກປ່ຽນແລະການຮ່ວມມືໃນທຸກຂົງເຂດຢ່າງຮອບດ້ານ,ຊຸກຍູ້ການພົວພັນມິດຕະພາບແລະຮ່ວມມືກັນຖານບ້ານໃກ້ເຮືອນຄຽງລະຫວ່າງຈີນກັບຫວຽດນາມໃຫ້ຂະຫຍາຍໄປຫນ້າຢ່າງບໍ່ຢຸດຢັ້ງ.
|
|
|
