|
ວົງການຕ່າງໆຂອງຮົງກົງເຫັນວ່າ, ທ່ານເຈິ່ງອິ່ນຊວນໄດ້ຮັບເລືອກຕັ້ງເປັນຜູ່ວ່າການເຂດບໍລິຫານພິເສດຮົງກົງສະໄຫມທີສາມແມ່ນສົມກັບຄວາມປາຖະຫນາຂອງຄົນທັງຫລາຍ
cri
Author: sayvanny
ຕາມຂ່າວສານຊີນຮວາ:ໃນການເລືອກຕັ້ງຜູ່ວ່າການເຂດບໍລິຫານພິເສດຮົງກົງທີ່ຈັດຂຶ້ນໃນວັນທີ 25 ມີນານີ້, ທ່ານເຈິ່ງອິ່ນຊວນໄດ້ຮັບບັດກາຍ 80%,ໄດ້ຮັບເລືອກຕັ້ງເປັນຜູ່ວ່າການເຂດບໍລິຫານພິເສດຮົງກົງສະໄຫມທີສາມ.ພາຍຫລັງປະກາດຜົນການເລືອກຕັ້ງແລ້ວ, ບຸກຄົນໃນວົງການຕ່າງໆແລະສື່ມວນຊົນຮົງກົງທະຍອຍກັນກ່າວວ່າ, ທ່ານເຈິ່ງອິ່ນຊວນໄດ້ຮັບເລືອກຕັ້ງດ້ວຍສຽງສ່ວນຫລາຍແມ່ນສົມກັບຄວາມປາຖະຫນາຂອງຄົນທັງຫລາຍ, ອັນໄດ້ສ່ອງແສງຄວາມປາຖະຫນາຕົ້ນຕໍໃນສັງຄົມຮົງກົງ.
ທ່ານເຈິ່ງຊ້ຽນຈື ນັກທຸລະກິດທີ່ມີຊື່ສຽງຂອງຮົງກົງ ກຳມະການຄະນະປະຈຳສະພາປະຊາຊົນແຫ່ງຊາດຈີນເວົ້າວ່າ, ທ່ານເຈິ່ງອິ່ນຊວນມີຄວາມສາມາດປົກຄອງທີ່ເຂັ້ມແຂງ.ໃນສອງປີມານີ້,ທ່ານໄດ້ດຳເນີນການປົກຄອງຕາມກົດຫມາຍ, ໄດ້ຮັບຜົນງານທີ່ດີສົມຄວນ,ທ່ານໄດ້ຮັບເລືອກຕັ້ງແມ່ນຖືກກັບປາຖະຫນາຂອງປະຊາຊົນ.
ທ່ານທຽນໄປຈຸ້ນ ປະທານພັກເສລີເວົ້າວ່າ, ສະພາບແວດລ້ອມເສດຖະກິດຂອງຮົງກົງໄດ້ຣັບການປັບປຸງໃຫ້ດີຂຶ້ນຫລາຍ,ອັດຕາຫວ່າງງານກໍ່ຫລຸດລົງເຖິງລະດັບຕ່ຳສຸດໃນ 9 ປີມານີ້.ທ່ານກ່າວວ່າຈະສືບຕໍ່ສະຫນັບສະຫນູນອົງການປົກຄອງເຂດພິເສດຮົງກົງປົກຄອງຕາມກົດຫມາຍ, ເພື່ອພັດທະນາເສດຖະກິດຮົງກົງຕື່ມອີກໃນຫລາຍປີຂ້າງຫນ້ານີ້.
ຫນັງສືພິມເວີນຮຸ້ຍປາວຂອງຮົງກົງໄດ້ພິມບົດວິຈານຊີ້ອອກວ່າ, ທ່ານເຈິ່ງອິ່ນຊວນໄດ້ຮັບເລືອກຕັ້ງສະແດງໃຫ້ເຫັນວ່າການປ່ອນບັດຂອງຄະນະກຳມະການເລືອກຕັ້ງເປັນເອກະສັນກັນກັບຄວາມປາຖະຫນາຂອງມວນຊົນສ່ວນຫລາຍ,ສະແດງໃຫ້ເຫັນວ່າຜົນການເລືອກຕັ້ງສອດຄ່ອງກັບຄວາມຄອງຄອຍຂອງມວນຊົນ.
ຫນັງສືພິມຕ້າກົ່ງປ້າວຂອງຮົງກົງພິມບົດວິຈານເຫັນວ່າ,ຜົນການເລືອກຕັ້ງໄດ້ເປັນອີກບາດກ້າວຫນຶ່ງທີ່ສຳຄັນທີ່ສຸດໃນການສ້າງສາຮົງກົງໃຫມ່ໃຫ້ຈະເລີນຮຸ່ງເຮືອງແລະຫມັ້ນຄົງຕໍ່ໄປ.
|
|
