|
|
 |
| (GMT+08:00)
2007-03-27 17:24:41
|
 |
|
ງານສຳມະນາຊາວໜຸ່ມຈີນໄທຈັດຂຶ້ນຢູ່ບາງກອກ
cri
Author: cai
ຕາມຂ່າວCRI:ວັນທີ 27 ມີນານີ້,ງານສຳມະນາຊາວໜຸ່ມຈີນໄທທີ່ມີຫົວຂໍ້ວ່າ"ຂະຫຍາຍກຳລັງແຮງບົ່ມຊ້ອນຂອງຊາວໜຸ່ມເຍົາວະຊົນ ຮ່ວມກັນສ້າງອະນາຄົດທີ່ດີງາມກວ່າເກົ່າ"ໄດ້ຈັດຂຶ້ນຢູ່ສຳນັກງານໃຫຍ່ທະນາຄານກະສິກອນຢູ່ບາງກອກ ນະຄອນຫຼວງຂອງໄທ.
ເຈົ້າຍິງມະຫາຈັກຣີ ສິຣິນທອນຂອງໄທໄດ້ເປັນປະທານພິທີໄຂງານ,ແລະໄດ້ກ່າວປາຖະກະຖາທີ່ພາດຫົວເລື່ອງວ່າ"ການຂະຫຍາຍຕົວຂອງເຍົາວະຊົນແລະຊາວໜຸ່ມທີ່ຢູ່ເຂດຫ່າງໄກສອກຫຼີກ".ໃນເວລາກ່າວຄຳປາໄສ,ທ່ານເຮີ້ຈູ່ນເຄີ່ ຜູ້ຮັບຜິດຊອບຂອງສະຫະພັນຊາວໜຸ່ມທົ່ວປະເທດຈີນໄດ້ລາຍງານສະພາບລວມຂອງສະຫະພັນຊາວໜຸ່ມທົ່ວປະເທດຈີນໃຫ້ຜູ້ຮ່ວມປະຊຸມຊາບ.
ງານສຳມະນາເທື່ອນີ້ແມ່ນມູນນິທິພັດທະນາເດັກທີ່ອຸປະຖຳໂດຍເຈົ້າຊີວິດໄທກັບສະຫະພັນຊາວໜຸ່ມທົ່ວປະເທດຈີນເປັນເຈົ້າພາບຮ່ວມກັນຈັດຂຶ້ນ,ທະນາຄານກະສິກອນເປັນຜູ້ຊ່ວຍ,ໂດຍມີຈຸດປະສົງເພື່ອຊຸກຍູ້ການແລກປ່ຽນລະຫວ່າງຈີນໄທໃນດ້ານວຽກງານພັດທະນາຊາວໜຸ່ມເຍົາວະຊົນ,ຂະຫຍາຍແລະເພີ່ມທະວີການພົວພັນໄມຕີຈິດລະຫວ່າງສອງປະເທດ,ພ້ອມກັນນັ້ນ,ກໍ່ແມ່ນເພື່ອເຮັດໃຫ້ຄົນໃນສັງຄົມເອົາໃຈໃສ່ນຳວຽກງານພັດທະນາຊາວໜຸ່ມເຍົາວະຊົນທີ່ມີກຳລັງແຮງບົ່ມຊ້ອນອັນໃຫຍ່ຫຼວງ.
|
|
|
