|
ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວຢ້ຳວ່າ,ເດັດຂາດບໍ່ອະນຸຍາດໃຫ້ອິດທິກຳລັງແບ່ງແຍກໄຕ້ຫວັນຕັດແບ່ງໄຕ້ຫວັນອອກຈາກຈີນໃນນາມໃດໆແລະດ້ວຍຮູບການໃດໆ
cri
Author: sayvanny
ຕາມຂ່າວ cri: ວັນທີ 28 ມີນານີ້,ຢູ່ປັກກິ່ງ, ທ່ານຢາງອີ້ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວຢ້ຳວ່າ, ເດັດຂາດບໍ່ອະນຸຍາດໃຫ້ອິດທິກຳລັງແບ່ງແຍກໄຕ້ຫວັນຕັດແຍກໄຕ້ຫວັນອອກຈາກຈີນບໍ່ວ່າຈະເປັນໃນນາມໃດໆແລະດ້ວຍຮູບການໃດໆ.
ໃນງານຖະແຫລງຂ່າວທີ່ຈັດຂຶ້ນໃນມື້ດຽວກັນ, ທ່ານຢາງອີ້ກ່າວວ່າ,ຫວ່າງມໍ່ໆນີ້, ເສີນມິງທົ່ງຂອງມະຫາວິທະຍາໄລໄຕ້ຫວັນແລະຜູ່ອື່ນໆໄດ້ສະເຫນີອັນທີ່ວ່າຮ່າງລັດຖະທຳມະນູນສາທາລະນະລັດທີສອງ,ການກະທຳແນວນີ້ພໍດີຖືກກັບກົນອຸບາຍຂອງເສີນຊຸຍປຽນທີ່ຢາກຈະເຮັດໃຫ້ໄຕ້ຫວັນເປັນເອກະລາດໃນທາງດ້ານກົດຫມາຍ,ແລະໄດ້ຈັດເຂົ້າໃນເຈດຈຳນົງແບ່ງແຍກທີ່ວ່າຝັ່ງຫນຶ່ງປະເທດຫນຶ່ງ, ປະຕິເສດເລື່ອງຈິງທີ່ແຜ່ນດິນໃຫຍ່ກັບໄຕ້ຫວັນລ້ວນແຕ່ຂຶ້ນກັບຈີນ,ມີເຈດຕະນາເຮັດໃຫ້ປະເທດຊາດແຕກແຍກກັນ.
ທ່ານຢາງອີ້ຊີ້ອອກວ່າ, ມີແຕ່ສະກັດກັ້ນການເຄື່ອນໄຫວແບ່ງແຍກໄຕ້ຫວັນໃຫ້ເປັນເອກະລາດຢ່າງເດັດຂາດທໍ່ນັ້ນ,ຈິ່ງຈະສາມາດປົກປັກຮັກສາສັນຕິພາບແລະສະຖຽນລະພາບຂອງເຂດຮ່ອມທະເລໄຕ້ຫວັນຈົນຮອດພາກພື້ນອາຊີປາຊິກຟິກໄດ້.ຝ່າຍແຜ່ນດິນໃຫຍ່ຈະເອົາໃຈໃສ່ຕິດຕາມການຂະຫຍາຍຕົວຂອງສະພາບການຢ່າງໃກ້ຊິດ.
|
|
