|
|
 |
| (GMT+08:00)
2007-03-29 15:32:50
|
 |
|
ທ່ານບຸສກ່າວວ່າຈະຢັບຢັ້ງຮ່າງກົດຫມາຍລາຍຈ່າຍທາງການທະຫານທີ່ມີຕາຕະລາງເວລາຖອນທະຫານແນບໄປນຳ
cri
Author: sayvanny
ຕາມຂ່າວ cri:ວັນທີ 28 ມີນານີ້ ທ່ານຈັອດບຸສ ປະທານາທິບໍດີອາເມລິກາກ່າວຢ້ຳວ່າ, ທ່ານຈະຢັບຢັ້ງທຸກຮ່າງກົດຫມາຍກ່ຽວກັບລາຍຈ່າຍການທະຫານທີ່ວາງຕາຕະລາງເວລາໃຫ້ທະຫານອາເມລິກາຖອນອອກຈາກອີຣັກ ທີ່ຜ່ານໃນລັດຖະສະພານັ້ນ,ເພາະວ່າການກຳນົດເວລາຖອນທະຫານອອກຈາກອີຣັກ,ເວົ້າສຳລັບອາເມລິກາແລະອີຣັກແລ້ວລ້ວນແຕ່ແມ່ນໄພພິບັດ.ທ່ານກ່າວຢ້ຳວ່າ, ຜົນປະໂຫຍດດ້ານຄວາມປອດໄພຂອງອາເມລິກາຕ້ອງການໃຫ້ອາເມລິກາໃຊ້ນະໂຍບາຍຄວາມປອດໄພໃນທ່າບຸກ.
ອາທິດແລ້ວນີ້,ສະພາຕ່ຳຂອງອາເມລິກາໄດ້ຜ່ານກົດຫມາຍສະບັບຫນຶ່ງ,ເຫັນດີສະຫນອງຄ່າໃຊ້ຈ່າຍໃຫ້ທະຫານອາເມລິກາ, ແຕ່ພ້ອມກັນນັ້ນກໍ່ຮຽກຮ້ອງໃຫ້ກອງທະຫານຂອງອາເມລິກາຖອນອອກຈາກອີຣັກກ່ອນເດືອນກັນຍາປີ 2008.ປັດຈຸບັນ,ສະພາສູງກໍ່ພວມອະພິປາຍກ່ຽວກັບກົດຫມາຍລາຍຈ່າຍການທະຫານດັ່ງກ່າວ, ກົດຫມາຍນີ້ຮຽກຮ້ອງໃຫ້ຖອນທະຫານອາເມລິກາອອກຈາກອີຣັກໃນລະດູໃບໄມ້ປົ່ງຂອງປີ 2008.
|
|
|
