|
|
 |
| (GMT+08:00)
2007-03-30 16:24:27
|
 |
|
ງານວາງສະແດງຂອງຈີນຢູ່ມົສກູໄດ້ອັດລົງ
cri
Author: sayvanny
ຕາມຂ່າວສານຊີນຮວາ: ງານວາງສະແດງຂອງຈີນທີ່ຈັດຂຶ້ນຢູ່ມົສກູເປັນເວລາສີ່ມື້ໄດ້ອັດລົງແລ້ວໃນຕອນບ່າຍວັນທີ 29 ມີນານີ້.
ງານວາງສະແດງເທື່ອນີ້ແມ່ນກິດຈະກຳສຳຄັນອັນຫນຶ່ງໃນປີມິດຕະພາບຈີນທີ່ຈັດຂຶ້ນຢູ່ຣັດເຊຍປີນີ້,ໄດ້ດູດດຶງເອົາຄວາມເອົາໃຈໃສ່ໃນລະດັບສູງຈາກສື່ມວນຊົນແລະບຸກຄົນໃນວົງການຕ່າງໆຂອງຣັດເຊຍ.ຕາມການສະຖິຕິຂອງສູນວາງສະແດງ, ຕັ້ງແຕ່ໄດ້ຈັດງານວາງສະແດງແຕ່ວັນທີ 26 ມີນານີ້ເປັນຕົ້ນມາ, ລວມມີ 8 ຫມື່ນ 6 ພັນ 1 ຮ້ອຍເທື່ອຄົນໄດ້ເຂົ້າຊົມງານວາງສະແດງ.ໃນໄລຍະຈັດງານວາງສະແດງ,ໄດ້ເຊັນຂໍ້ຜູກພັນທີ່ມີມູນຄ່າ 4 ຕື້ 900 ກວ່າລ້ານໂດລາ,ເຊິ່ງກ່ຽວພັນເຖິງຜະລິດຕະພັນ ລົດຍົນຊິ້ນສ່ວນລົດຍົນເຄື່ອງໄຟຟ້າທີ່ໃຊ້ໃນເຮືອນແລະແຜ່ນແພເປັນຕົ້ນ.
ພາຍຫລັງໄດ້ເຂົ້າຊົມງານວາງສະແດງແລ້ວ, ທ່ານເກີມານ.ເກຼຟ ລັດຖະມົນຕີວ່າການກະຊວງເສດຖະກິດການຄ້າຣັດເຊຍກ່າວວ່າ, ຈີນຈັດງານວາງສະແດງຂະຫນາດໃຫຍ່ທີ່ສຸດແລະມີລະດັບສູງທີ່ສຸດຢູ່ຣັດເຊຍເທື່ອນີ້,ເຮັດໃຫ້ທ່ານຮູ໊ສຶກດີໃຈແລະມີກຽດທີ່ສຸດ.ທ່ານຍັງສະເຫນີໃຫ້ຝ່າຍຈີນໄປຈັດງານວາງສະແດງຄ້າຍຄືກັນນີ້ອີກເທື່ອຫນຶ່ງຢູ່ເມືອງຊັງເປແຕັກສ ບວກ.
ທ່ານໂຮ້ຈ້ຽນໂກ ຫົວຫນ້າຫນ່ວຍງານກອງປະຊຸມກຽມຈັດງານວາງສະແດງຈີນ ເຈົ້າຫນ້າທີ່ກະຊວງການຄ້າຈີນເວົ້າວ່າ, ງານວາງສະແດງແລະກິດຈະກຳຕ່າງໆທີ່ຈັດຂຶ້ນໃນໄລຍະງານວາງສະແດງເທື່ອນີ້ໄດ້ເຮັດໃຫ້ຄົນຣັດເຊຍຮູ້ຈັກປະເທດຈີນຄືນໃຫມ່,ໄດ້ເຂົ້າໃຈຈີນຫລາຍກວ່ເກົ່າ, ແລະໄດ້ບັນລຸຈຸດປະສົງທີ່ຄາດໄວ້ເພື່ອເພີ່ມຄວາມເຂົ້າໃຈກັນ ແລະມິດຕະພາບ ເປີດກວ້າງການຮ່ວມມືດ້ານເສດຖະກິດການຄ້າລະຫວ່າງສອງຝ່າຍ.
|
|
|
