|
|
 |
| (GMT+08:00)
2007-03-31 20:48:30
|
 |
|
ຈີນລົງນາມໃນສົນທິສັນຍາສິດຄົນພິການ
cri
Author: shuo
ຕາມຂ່າວສານຊິນຮວາ:ວັນທີ30ມີນານີ້,ພິທີເປີດການລົງນາມໃນສົນທິສັນຍາວ່າດ້ວຍສິດ ຄົນພິການໄດ້ຈັດຂຶ້ນຢູ່ສຳນັກງານໃຫຍ່ສະຫະປະຊາຊາດທີ່ນິວຢອກ,ທ່ານວາງກວາງຢາ ຜູ້ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ຕາງໜ້າຈີນລົງນາມໃນສົນທິສັນຍາສະບັບນີ້.
ວັນທີ30ມີນານີ້,ຜູ້ຕາງໜ້າຂອງ81ປະເທດແລະປະຊາຄົມພາກພື້ນໄດ້ລົງລາມໃນສົນທິ ສັນຍາດັ່ງກ່າວ.ໃນການເຈລະຈາລະດັບສູງທີ່ຈັດຂຶ້ນພາຍນັ້ນມາ,ທ່ານລູຊື້ມີງ ຮອງປະທານປະຈຳສະຫະພັນຄົນພິການຈີນທີ່ເຂົ້າຮ່ວມພິທີລົງນາມກ່າວວ່າ,ຈີນເອົາໃຈໃສ່ໃນລະ ດັບສູງນຳການປົກປ້ອງສິດຂອງຄົນພິການ80ລ້ານກວ່າຄົນຂອງຈີນ.ຝ່າຍຈີນຍິນດີເພີ່ມທະວີການແລກປ່ຽນແລະຮ່ວມມືດ້ວຍໄມຕີຈິດກັບປະເທດຕ່າງໆ,ຊຸກຍູ້ໃຫ້ສະພາບການຂອງຄົນພິການໃນທົ່ວໂລກດີຂຶ້ນໂດຍທົ່ວໄປ.
ປະຈຸບັນນີ້,ໃນທົ່ວໂລກມີຄົນພິການ650ລ້ານຄົນ.ສະມັດຊາໃຫຍ່ສະຫະປະຊາຊາດສະໄໝທີ61ໄດ້ຜ່ານສົນທິສັນຍາວ່າດ້ວຍສິດຄົນພິການໃນເດືອນທັນວາປີ2006.ສົນທິສັນຍາສະບັບນີ້ແມ່ນສົນທິສັນຍາສະບັບທຳອິດທີ່ມີເນື້ອໃນປົກປ້ອງສິດຂອງຄົນພິການຢ່າງຮອບດ້ານທີ່ຜ່ານໃນປະຫວັດສາດສະຫະປະຊາຊາດ.
|
|
|
