ຕາມຂ່າວສານຊິນຮວາ:ຫວ່າງມໍ່ໆນີ້,ຢູ່ທີ່ປັກກິ່ງ,ທ່ານໂຈ່ວອຽນຫຼີ ຮອງປະ​ທານ​ຄະ​ນະ​ກຳ​ມະ​ການຕິດຕາມຄຸ້ມຄອງການປະກັນໄພຂອງຈີນເປີດເຜີຍວ່າ,ຈີນຈະປະກາດໃຊ້​ກົດ​ຂໍ້​ກຳ​ນົດ​ປະ​ກັນໄພກະສິກຳທີ່ມີລັກສະນະນະໂຍບາຍກ່ອນທ້າຍປີ2007,ເປີດກວ້າງຂອບເຂດ​ປະກັນໄພທີ່​ກ່ຽວພັນເຖິງກະສິກຳ.

ທ່ານໂຈ່ວອຽນຫຼີເວົ້າວ່າ,ການຜະລິດກະສິກຳຂອງຈີນປະເຊີນກັບໄພທຳມະຊາດອ່າວໜັກ ໜ່ວງ,ປີ2006,ເນື້ອທີ່ທີ່ເຄື່ອງປູກຂອງຝັງປະສົບໄພຂອງມີ41ລ້ານກວ່າເຮັກຕາ.ພ້ອມ​ກັນ​ນັ້ນ,​ຊາວ​ກະ​ສິ​ກອນ​ອັນໄພສານກໍມີຄວາມຫຍຸ້ງຍາກຕົວຈິງຢ່າງຫຼວງຫຼາຍ ຄື​ການ​ລ້ຽງ​ຜູ້​ເຖົ້າ​ແລະ​ການ​ປິ່ນ​ປົວ​ພະ​ຍາດເປັນຕົ້ນ.

ທ່ານໂຈ່ວອຽນຫຼີກ່າວວ່າ,ຊາວກະສິກອນສາມາດຜ່ານການ​ເຂົ້າ​ຮ່ວມ​ການ​ປະ​ກັນ​ໄພ​ກະ​ສິກຳ​ພ້ອມ​ດ້ວຍການປະກັນໄພຊັບສິນ ເຊັ່ນ​ເຮືອນ​ກະ​ສິ​ກຳ​ແລະກົນຈັກເຄື່ອງມືເປັນຕົ້ນ,ຫຼຸດຄວາມ​ເສຍ​ຫາຍ​ທີ່​ເກີດ​ຂຶ້ນ​ຍ້ອນ​ປະ​ສົບ​ໄພ​ທຳ​ມະ​ຊາດ​ໃນ​ຂະ​ບວນ​ການ​ຜະ​ລິດ​ກະ​ສິ​ກຳ;​ຜ່ານ​ການ​ເຂົ້າ​ຮ່ວມ​ການ​ປະ​ກັນໄພໄວ​ຊະລາ​ແລະ​ການ​ປະ​ກັນ​ໄພ​ສຸກ​ຂະ​ພາບ,​ວາງ​ແຜນ​ການ​ລ້ຽງ​ຜູ້​ເຖົ້າ​ແລະ​ປິ່ນປົວພະຍາດໃນອະນາຄົດ.

ທ່ານ​ກ່າວເນັ້ນວ່າ,ຄະນະກຳມະການຕິດຕາມຄຸ້ມຄອງການປະກັນໄພຂອງ​ຈີນ​ຈະ​ເປີດ​ກວ້າງ​ຂອບ​ເຂດປະ​ກັນໄພ​ທີ່​ກ່ຽວພັນເຖິງກະສິກຳ​ຕື່ມ​ອີກ,​ເຮັດ​ໃຫ້​ຊາວ​ກະ​ສິ​ກອນ​ອັນ​ໄພ​ສານ​ໄດ້​ຮັບ​ຜົນ​ປະ​ໂຫຍດ​ຕົວ​ຈິງ​ຈາກ​ການ​ປະ​ກັນ​ໄພ.