|
|
 |
| (GMT+08:00)
2007-04-01 18:24:13
|
 |
|
ພາກເໜືອອີຣັກເກີດເຫດການລະເບີດລົດ ເຮັດໃຫ້ 152 ຄົນເສຍຊີວິດ
cri
Author: m
ຕາມຂ່າວສານຊິ່ນຮວາ: ວັນທີ 31 ມີນາແລ້ວນີ້, ກະຊວງພາຍໃນຂອງອີຣັກປະກາດວ່າ, ຈຳນວນຄົນເສຍຊີວິດໃນເຫດການຫຼອນໂຈມຕີດ້ວຍການລະເບີດລົດບັນທຸກຢູ່ເມືອງທານ ອາຟາ ພາກເໜືອອີຣັກໄດ້ເພີ່ມຂຶ້ນຮອດ 152 ຄົນ, ເຮັດໃຫ້ເຫດການເທື່ອນີ້ກາຍເປັນເຫດການຫຼອນໂຈມຕີເທື່ອດຽວທີ່ເຮັດໃຫ້ຄົນເສຍຊີວິດຫຼາຍກວ່າໝູ່ແຕ່ສົງຄາມອີຣັກເກີດຂຶ້ນເປັນຕົ້ນມາ.
ໃນງານຖະແຫຼງຂ່າວທີ່ຈັດຂຶ້ນໃນວັນທີ 31 ມີນາແລ້ວນີ້, ໂຄສົກກະຊວງພາຍໃນຂອງອີຣັກກ່າວວ່າ, ວັນທີ 27 ມີນານີ້, ຢູ່ເມືອງທານ ອາຟາໄດ້ເກີດເຫດການລະເບີດລົດບັນທຸກສອງເທື່ອ, ໃນນັ້ນມີເທື່ອໜຶ່ງ, ພວກປະກອບອາວຸດໄດ້ໃຊ້ໝື້ລະເບີດ 2 ໂຕນ, ເຮັດໃຫ້ 152 ຄົນເສຍຊີວິດ, 347 ຄົນບາດເຈັບ, ເຮືອນຢູ່ຂອງປະຊາຊົນ 100 ຫຼັງຖືກລະເບີດພັງທະລາຍ. ສ່ວນເຫດການອີກເທື່ອໜຶ່ງບໍ່ແຮງປານໃດ, ບໍ່ໄດ້ເຮັດໃຫ້ຄົນເສຍຊີວິດ ຫຼືບາດເຈັບຢ່າງສາຫັດ.
ອາທິດແລ້ວນີ້ແມ່ນອາທິດທີ່ຄາວເລືອດກວ່າໝູ່ແຕ່ທະຫານອາເມລິກາປະຈຳອີຣັກແລະລັດຖະບານອີຣັກປະຕິບັດແຜນການປອດໄພໃໝ່ແບ໌ກແດ໌ດແຕ່ວັນທີ 14 ກຸມພາແລ້ວນີ້ເປັນຕົ້ນມາ. ການຫຼອນໂຈມຕີດ້ວຍກຳລັງຮຸນແຮງພາຍໃນອີຣັກເກີດຂຶ້ນເລື້ອຍໆ, ນັບລວມແລ້ວໄດ້ເຮັດໃຫ້ 500 ກວ່າຄົນເສຍຊີວິດ, ຫຼາຍຮ້ອຍຄົນບາດເຈັບ.
|
|
|
