|
|
 |
| (GMT+08:00)
2007-04-02 10:52:48
|
 |
|
ອິດສະລະແອນຍິນດີຈັດກອງປະຊຸມສັນຕິພາບກັບປະເທດອາຣັບ
cri
Author: shuo
ຕາມຂ່າວCRI:ວັນທີ1ເມສານີ້,ທ່ານເອຮຸດ ໂອນເມີດ ນາຍົກລັດຖະມົນຕີອິດສະລະແອນ ກ່າວວ່າ,ຍິນດີເຊື້ອເຊີນປະມຸກລັດຂອງປະເທດອາຣັບ,ພ້ອມກັນຈັດກອງປະຊຸມສັນຕິພາບຂອງພາກພື້ນ,ເພື່ອຫາລືກ່ຽວກັບການຊຸກຍູ້ຂະບວນການສັນຕິພາບຕາເວັນອອກກາງ.
ໃນມື້ດຽວກັນ,ຢູ່ເຢລູຊາເລັມ,ໃນກອງປະຊຸມຂ່າວປະສົມທີ່ຈັດຂຶ້ນກັບທ່ານນາງອັນຈິລາ ເມີເກວ ນາຍົກລັດຖະມົນຕີເຢຍລະມັນ ປະເທດປະທານຕາມຮອບໝູນວຽນຂອງສະຫະພາບເອີລົບທີ່ໄປຢ້ຽມຢາມ,ທ່ານໂອນເມີດກ່າວວ່າຍິນດີເຊື້ອເຊີນປະມຸກລັດປະເທດອາຣັບ ເຊິ່ງລວມທັງສົມເດັດອາບດູນລາ ບິນ ອາບດູນ ອາຊິສ ເຈົ້າຊີວິດອາລາບີຊາອູດິດເຂົ້າຮ່ວມກອງປະຊຸມສັນຕິພາບ,ແລະແລກປ່ຽນຄວາມເຫັນກັນກ່ຽວກັບການແກ້ໄຂການປະທະກັນ.
ວັນທີ1ເມສານີ້,ທ່ານນາງທີພີ ລິບນີ ລັດຖະມົນຕີວ່າການກະຊວງການຕ່າງປະເທດອິດສະລະແອນກໍກ່າວວ່າ,ອິດສະລະແອນຍິນດີເຈລະຈາກັບປະເທດອາຣັບທີ່ແຂງກະດ້າງ,ເພື່ອສະແຫວງຫາສັນຕິພາບຂອງເຂດຕາເວັນອອກກາງ.
ໃນມື້ດຽວກັນ,ໃນເວລາກ່າວປາຖະກະຖາຢູ່ມະຫາວິທະຍາໄລຮີບຣີວເຢລູຊາເລັມ,ທ່ານນາງເມີເກວກ່າວວ່າ,ສະຫະພາບເອີລົບຍິນດີສະໜອງການຊ່ວຍເຫຼືອໃຫ້ການເຈລະຈາສັນຕິພາບປາເລັດສະຕິນກັບອິດສະລະແອນ,ແຕ່ສະຫະພາບເອີລົບຈະບັງຄັບໃຫ້ປາເລັດສະຕິນແລະອິດສະລະແອນຮັບເອົາແຜນການສັນຕິພາບບໍ່ໄດ້,ປາເລັດສະຕິນແລະອິດສະລະແອນຕ້ອງແກ້ໄຂຄວາມຂັດແຍ່ງກັນໂດຍຕົນເອງ.
|
|
|
