|
ຈີນຈະໃຫ້ການຊ່ວຍເຫຼືອເປັນພິເສດແກ່22ຊົນເຜົ່າທີ່ມີປະຊາກອນໜ້ອຍ
cri
ຕາມຂ່າວສານຊິນຮວາ,ໃນໄລຍະແຕ່ປີ2006ຮອດປີ2010,ຈີນຈະຈັດສັນງົບປະມານ1ຕື້500ລ້ານຢວນຂຶ້ນໄປເພື່ອໃຊ້ເຂົ້າໃນການສະໜັບສະໜູນການພັດທະນາ22ຊົນເຜົ່າທີ່ມີປະຊາກອນໜ້ອຍໃນທົ່ວປະເທດ.
ທ່ານຢາງຈ້ຽນສຽງ ຮອງຫົວໜ້າຄະນະກຳມະການວຽກງານຊົນເຜົ່າແຫ່ງຊາດຈີນແຈ້ງວ່າ,ຍາມໃດ,ຈີນກໍ່ໄດ້ໃຫ້ຄວາມສຳຄັນ ຕໍ່ການສະໜັບສະໜູນການພັດທະນາຂອງຊົນເຜົ່າ ທີ່ມີປະຊາກອນໜ້ອຍ,ແລະໄດ້ວາງແຜນການລະອຽດໂດຍແນໃສ່ການພັດທະນາຂອງຊົນເຜົ່າທີ່ມີປະຊາກອນໜ້ອຍຂອງ7ແຂວງແລະເຂດປົກຄອງຕົນເອງຄືແຂວງຢຸນນານ,ເຂດປົກຄອງຕົນເອງມົງໂກໃນ,ແຂວງກ່ານຊູ້,ແຂວງຊິງຫາຍ,ເຂດປົກຄອງຕົນເອງເຜົ່າອຸຍອູດຊິນຈ່ຽງ,ແຂວງຟູຈ້ຽນແລະແຂວງກຸ້ຍໂຈ່ວ,ທ້ອງຖິ່ນເຫຼົ່ານີ້ກໍໄດ້ວາງແຜນການແລະມາດຕະການຕາມສະພາບຕົວຈິງຂອງຕົນ,ເພື່ອແກ້ໄຂບັນຫາຕ່າງໆຂອງ22ຊົນເຜົ່າທີ່ມີປະຊາກອນໜ້ອຍເຊັ່ນ,ການສຶກສາ,ການປິ່ນປົວພະຍາດ,ໃຫ້ບູລິມະສິດແກ້ໄຂຄວາມປອດໄພດ້ານນ້ຳກິນຂອງຊົນນະບົດເຊິ່ງຊົນເຜົ່າທີ່ມີປະຊາກອນໜ້ອຍນັ້ນຕັ້ງພູມລຳເນົາຢູ່,ແລະໄດ້ຮັບໝາກຜົນທີ່ດີສົມຄວນ.
ຈີນມີ55ຊົນເຜົ່າສ່ວນໜ້ອຍ,ໃນນັ້ນ,ຊົນເຜົ່າທີ່ມີປະຊາກອນບໍ່ຮອດ1ແສນຄົນຖືກເອີ້ນເປັນຊົນເຜົ່າທີ່ມີປະຊາກອນໜ້ອຍ,ຊົນເຜົ່າແບບນີ້ມີ22ຊົນເຜົ່າ,ມີຈຳນວນປະຊາກອນທັງໝົດ6ແສນ3ໝື່ນຄົນ.
|
|
