|
|
 |
| (GMT+08:00)
2007-04-05 17:14:36
|
 |
|
ລັດຖະບານຈີນສົ່ງເສີມໃຫ້ນຳໃຊ້ເຄື່ອງໄຟຟ້າໃຊ້ໃນເຮືອນທີ່ເປ່ເພແລະເກົ່າແລ້ວແບບໝູນວຽນ
cri
Author: shuo
ຕາມຂ່າວສານຊິນຮວາ:ວັນທີ4ເມສານີ້,ລັດຖະບານຈີນກ່າວວ່າ,ເມື່ອຮອດປີ2008,ພະຍາ ຍາມໃຫ້ໄດ້ຮັບຄວາມຄືບໜ້າຢ່າງແທ້ຈິງໃນການເກັບຄືນເຄື່ອງໄຟຟ້າໃຊ້ໃນເຮືອນທີ່ເປ່ເພແລະການຜະລິດເຄື່ອງຊີກສ່ວນຂອງລົດຍົນອີກ.
ໃນເວທີເປິກສາຫາລືກ່ຽວກັບເລື່ອງນີ້ທີ່ຈັດຂຶ້ນຢູ່ປັກກິ່ງໃນວັນທີ4ເມສານີ້,ທ່ານມາລີ້ຊຽງ ຮອງເລຂາທິການໃຫຍ່ຄະນະກຳມະການປະຕິຮູບແລະພັດທະນາແຫ່ງລັດຈີນກ່າວວ່າ,ຈະເລັ່ງລັດວາງກົດຂໍ້ກຳນົດຄົບຊຸດຕ່າງໆ ຄືກົດລະບຽບຄຸ້ມຄອງການເກັບຄືນເຄື່ອງໄຟຟ້າໃຊ້ໃນເຮືອນທີ່ເປ່ເພແລະເກົ່າແລ້ວແລະວິທີຄຸ້ມຄອງການເກັບຄືນນຳໃຊ້ຢາງລົດເກົ່າແລະເຄື່ອງຫຸ້ມຫໍ່ເກົ່າ.
ສະຖິຕິສະແດງໃຫ້ເຫັນວ່າ,ປີ2005,ໃນສັງຄົມຈີນມີຕູ້ເຢັນ ໂທລະພາບ ເຄື່ອງປັບອາກາດ ຈັກຊັກເຄື່ອງແລະຄອມພິວເຕີຫຼາຍກວ່າ1ຕື້ເຄື່ອງ,ແລະຖິ້ມ30ລ້ານກວ່າເຄື່ອງຕໍ່ປີ.ຍ້ອນວ່າບໍ່ໄດ້ເກັບຄືນເຄື່ອງໄຟຟ້າໃຊ້ໃນເຮືອນທີ່ເປ່ເພແລະເກົ່າແລ້ວຢ່າງໄດ້ບັງເກີດຜົນ,ເຄື່ອງໄຟຟ້າເຫຼົ່ານີ້ໄດ້ສິ້ນເປືອງຊັບພະຍາກອນແລະສ້າງມົນລະພິດສິ່ງແວດລ້ອມ.
ທ່ານມາລີ້ຊຽງເວົ້າວ່າ,ປີນີ້,ຄະນະກຳມະການປະຕິຮູບແລະພັດທະນາແຫ່ງລັດຈີນຍັງຈະຈັດວາງແຜນການຊຸກຍູ້ເສດຖະກິດໝູນວຽນຂອງຂະແໜງການຈຸດໜັກຕ່າງໆ ເຊັ່ນເຫຼັກ ກ້າ ໂລຫະມີສີ ຖ່ານຫີນ ພະລັງໄຟຟ້າ ອຸດສາຫະກຳເຄມີແລະອຸປະກອນກໍ່ສ້າງ,ວາງກົດໝາຍວ່າດ້ວຍເສດຖະກິດໝູນວຽນໂດຍໄວ,ດັດແກ້ກົດໝາຍວ່າດ້ວຍການປະຢັດພະລັງງານ,ປັບປຸງນະໂຍບາຍພິເສດດ້ານການເກັບສ່ວຍສາອາກອນຕໍ່ການນຳໃຊ້ຊັບພະ ຍາກອນໂດຍລວມໃຫ້ດີຂຶ້ນຕື່ມອີກ.
|
|
|
