|
|
 |
| (GMT+08:00)
2007-04-07 19:14:21
|
|
ອາເມລິກາສະໜັບສະໜູນຍ້າຍເງິນສ.ປ.ປ.ເກົາຫຼີທີ່ຖືກງົດ
cri
Author: cai
ຕາມຂ່າວສານຊີນຮວາ:ວັນທີ 6 ເມສານີ້,ກະຊວງການເງິນອາເມລິກາອອກຖະແຫຼງການວ່າ,ອາເມລິກາສະໜັບສະໜູນຍ້າຍເງິນ 25 ລ້ານໂດລາຂອງສ.ປ.ປ.ເກົາຫຼີທີ່ຖືກງົດຢູ່ທະນາຄານເດວຕາອາຊີມາກາວ.
ຖະແຫຼງການກ່າວວ່າ,ອາເມລິກາຍິນດີຊ່ວຍເຫຼືອອົງການທີ່ກ່ຽວຂ້ອງຂອງມາກາວຍ້າຍເງິນກ້ອນນີ້,ແຕ່ສ.ປ.ປ.ເກົາຫຼີຄວນຮັບປະກັນໃຊ້ເງິນກ້ອນນີ້ເຂົ້າໃນດ້ານມະນຸດສະທຳທີ່ສາມາດເຮັດໃຫ້ປະຊາຊົນສ.ປ.ປ.ເກົາຫຼີໄດ້ຮັບຜົນປະໂຫຍດພາຍຫຼັງຖືກຍ້າຍແລ້ວ.
ມື້ດຽວກັນ,ທ່ານຊີນ ເມັກໂຄມາກ ໂຄສົກກະຊວງການຕ່າງປະເທດອາເມລິກາກໍ່ກ່າວວ່າ,ພາຍຫຼັງໄດ້ຫາລືກັນກັບປະເທດທີ່ກ່ຽວຂ້ອງແລ້ວ,ອາເມລິກາເຫັນວ່າ,ໄດ້ມີວິທີຍ້າຍເງິນຂອງສ.ປ.ປ.ເກົາຫຼີທີ່ຖືກງົດໃຕ້ເງື່ອນໄຂເບື້ອງຕົ້ນທີ່ເຄົາລົບກົດໝາຍທະນາຄານສາກົນ.ແຕ່ທ່ານບໍ່ໄດ້ອະທິບາຍຢ່າງລະອຽດຕໍ່ເລື່ອງນີ້.
|
|
|
