|
ປົດຍາມທະຫານແຫ່ງໜຶ່ງຢູ່ພາກໃຕ້ຟີລິບປິນຖືກຫຼອນໂຈມຕີ ມີ 10 ຄົນຕາຍ
cri
Author: cai
ຕາມຂ່າວສານຊີນຮວາ:ວັນທີ 8 ເມສານີ້,ຝ່າຍທະຫານຟີລິບປິນຢືນຢັນວ່າ,ວັນທີ 7 ເມສານີ້,ປົດຍາມທະຫານບົກແຫ່ງໜຶ່ງຢູ່ເຂດຊູລູ ພາກໃຕ້ຟີລິບປິນໄດ້ຖືກຜູ້ປະກອບອາວຸດທີ່ບໍ່ຮູ້ຖານະຫຼອນໂຈມຕີ,ລວມມີ 10 ຄົນຕາຍ.
ທ່ານເອຣເນສໂທ ໂທເຣສ໌ ໂຄສົກກອງທັບບົກຟີລິບປິນໃຫ້ສຳພາດຕໍ່ສື່ມວນຊົນວ່າ,ຕອນກາງຄືນວັນທີ 7 ເມສານີ້,ຜູ້ປະກອບອາວຸດບຸກເຂົ້າປົດຍາມທະຫານດັ່ງກ່າວກວາດຍິງປືນໃສ່ທະຫານໃນປົດຍາມ,ເຮັດໃຫ້ທະຫານ 9 ຄົນແລະສາມັນຊົນຜູ້ໜຶ່ງຕາຍ,ມີທະຫານອີກຄົນໜຶ່ງແລະສາມັນຊົນອີກຄົນໜຶ່ງບາດເຈັບ.ປະຈຸບັນ,ຝ່າຍທະຫານຍັງບໍ່ທັນຮູ້ຈຳນວນແລະຖານະຂອງຜູ້ຫຼອນໂຈມຕີ.
|
|
