ຕາມຂ່າວສານຊິນຮວາ,ເຈົ້າຍິງມະຫາຈັກກຼີສິລິນທອນ ທີ່ຊົງປະທັບລົດໄຟສາຍຊິງຫາຍຕິເບດໄປຮອດເຂດຕິເບດນັ້ນຊົງກ່າວວ່າ,ການໄປຢ້ຽມຢາມເຂດຕິເບດອີກເທື່ອໜຶ່ງ,ມີຄວາມຮູ້ສຶກທີ່ເລິກເຊິ່ງກວ່າໝູ່ນີ້ກໍແມ່ນດ້ານຕ່າງໆຂອງເຂດຕິເບດໄດ້ພັດທະນາວ່ອງໄວຫຼາຍ.
ເຈົ້າຍິງສິລິນທອນຊົງໄດ້ເດີນທາງໄປຮອດ ລາຊາເທດສະບານເຂດຕິເບດໃນຕອນຄ່ຳວັນທີ7ເມສານີ້,ມື້ຕໍ່ມາ,ເຈົ້າຍິງໄດ້ຢ້ຽມຊົມວັງພະບຸດດາລາ ດິນທາມລາລູ ວັດຕ້າຈ່າວແລະອື່ນໆ.ໃນເວລາຊົງພົບປະກັບທ່ານອູອິງເຈ ຮອງປະທານເຂດປົກຄອງຕົນເອງຕິເບດຢູ່ລາຊາໃນວັນທີ8ເມສານີ້,ເຈົ້າຍິງສິລິນທອນຊົງກ່າວຄວາມຮູ້ສຶກພາຍຫຼັງການຢ້ຽມຢາມເປັນເວລາມື້ໜຶ່ງ.
ທ່ານອູອິງເຈກ່າວວ່າ,ເຈົ້າຍິງສິລິນທອນໄດ້ມາຢ້ຽມຢາມຕິເບດໃນປີ2001,ແລະໄດ້ຂຽນປຶ້ມທີ່ພາດຫົວເລື່ອງວ່າທ່ຽວພູພຽງຊິງຫາຍຕິເບດ,ອັນໄດ້ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ຄວາມເຂົ້າໃຈກັນລະຫວ່າງປະຊ່າຊົນຈີນກັບປະຊາຊົນໄທ.ຫວັງວ່າ,ເຈົ້າຍິງສິລິນທອນຈະສະເໜີສິ່ງທີ່ໄດ້ຮູ້ໄດ້ເຫັນໃນການຢ້ຽມຢາມເທື່ອນີ້ໃຫ້ປະຊາຊົນໄທຊາບ,ແນະນຳຄວາມຮູ້ສຶກຕໍ່ທາງລົດໄຟຊິງຫາຍຕິເບດໄປສູ່ປະຊາຊົນທົ່ວໂລກ.
|