|
ປະລິມານການຜະລິດລົດຈັກຂອງຈີນເປັນອັນດັບໜຶ່ງຂອງໂລກໃນ14ປີຜ່ານມາ
cri
ຕາມຂ່າວສານຊິນຮວາ,ງານວາງສະແດງລົດຈັກສາກົນຈີນຄັ້ງທີ6ໄດ້ຈັດຂຶ້ນຢູ່ນະຄອນຈຸ່ງກິ່ງ ພາກຕາເວັນຕົກສຽງໃຕ້ຂອງຈີນໃນວັນທີ10ເມສານີ້.ນັກຂ່າວໄດ້ຮັບຂໍ້ມູນຈາກງານວາງສະແດງວ່າ,ປະລິມານການຜະລິດລົດຈັກຂອງຈີນໄດ້ເປັນອັນດັບໜຶ່ງໃນໂລກຂອງ14ປີຜ່ານມານີ້ຢ່າງລຽນຕິດ.
ຈີນແມ່ນປະເທດຜະລິດແລະນຳໃຊ້ລົດຈັກຫຼາຍກວ່າໝູ່ໃນໂລກ,ປີ2006,ຈີນໄດ້ຜະລິດລົດຈັກ21ລ້ານ4ແສນຄັນ,ໃນນັ້ນ,ພຽງແຕ່ນະຄອນຈຸ່ງກິ່ງກໍໄດ້ຜະລິດ7ລ້ານ2ແສນຄັນ,ກວມປະມານ34%ຂອງຍອດປະລິມານການຜະລິດໃນທົ່ວປະເທດຈີນ.
ໂຮງງານຜະລິດລົດຈັກຂອງຈີນແລະຕ່າງປະເທດລວມ110ກວ່າແຫ່ງໄດ້ເຂົ້າຮ່ວມງານວາງສະແດງລົດຈັກສາກົນຈີນຄັ້ງນີ້
|
|
