|
|
 |
| (GMT+08:00)
2007-04-14 20:49:38
|
 |
|
ທ່ານເວີ່ນເຈ່ຍປາວສິ້ນສຸດການຢ້ຽມຢາມສ.ເກົາຫຼີແລະຍີ່ປຸ່ນແລ້ວກັບຄືນມາຮອດປັກກິ່ງ
cri
Author: shuo
ຕາມຂ່າວCRI:ວັນທີ13ເມສານີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ສິ້ນສຸດການຢ້ຽມຢາມສາທາລະນະລັດເກົາຫຼີແລະຍີ່ປຸ່ນແລ້ວເດີນທາງມາຮອດປັກກິ່ງ.
ການຢ້ຽມຢາມຂອງທ່ານເວີ່ນເຈ່ຍປາວເທື່ອນີ້ແມ່ນການຢ້ຽມຢາມສອງປະເທດໃກ້ຄຽງທີ່ສຳຄັນດັ່ງກ່າວຢ່າງເປັນທາງການຄັ້ງທຳອິດຫຼັງຈາກການຢ້ຽມຢາມຂອງນາຍົກລັດຖະມົນ ຕີຈີນຄັ້ງກ່ອນ7ປີ,ແລະໄດ້ຮັບການຕ້ອນຮັບຊົມເຊີຍຢ່າງອົບອຸ່ນຈາກລັດຖະບານແລະປະຊາຊົນສອງປະເທດ.ໃນໄລຍະຢ້ຽມຢາມ,ທ່ານເວີ່ນເຈ່ຍປາວໄດ້ພົບປະເຈລະຈາກັບຜູ້ນຳສອງປະເທດສ.ເກົາຫຼີແລະຍີ່ປຸ່ນຢ່າງເລິກເຊິ່ງກ່ຽວກັບການຊຸກຍູ້ການພົວພັນສອງຝ່າຍ,ພ້ອມກັນນັ້ນຍັງໄດ້ພົບປະກັບບຸກຄົນວົງການຕ່າງໆພ້ອມດ້ວຍອົງການຈັດຕັ້ງມິດຕະພາບຂອງສອງປະເທດ ເຊັ່ນ ພັກການເມືອງ ລັດຖະສະພາ ອຸດສາຫະກຳການຄ້າແລະວັດທະນະທຳເປັນຕົ້ນ,ໄດ້ເຂົ້າຮ່ວມການເຄື່ອນໄຫວ"ປີແລກປ່ຽນຈີນສ.ເກົາຫຼີ"ແລະ"ປີແລກປ່ຽນວັດທະນະທຳແລະກິລາຂອງຈີນແລະຍີ່ປຸ່ນ",ໄດ້ກ່າວປາຖະກະຖາສຳຄັນຢູ່ສະຖານທີ່ຕ່າງໆ ເຊັ່ນລັດຖະສະພາແຫ່ງຊາດຍີ່ປຸ່ນເປັນຕົ້ນ.ທ່ານເວີ່ນເຈ່ຍປາວຍັງໄດ້ເຂົ້າໃກ້ສິດກັບສາມັນຊົນຂອງສອງປະເທດ,ໂອ້ລົມກັບພວກເຂົາເຈົ້າຢ່າງສະໜິດສະໜົມ.
ໃນເວລາສິ້ນສຸດການຢ້ຽມຢາມ,ທ່ານຫຼີຈ້າວຊິ່ງ ລັດຖະມົນຕີວ່າການກະຊວງການຕ່າງປະເທດຂອງຈີນທີ່ໄປຢ້ຽມຢາມນຳທ່ານເວີ່ນເຈ່ຍປາວກ່າວວ່າ,ການຢ້ຽມຢາມຂອງທ່ານເວີ່ນເຈ່ຍປາວເທື່ອນີ້ໄດ້ເສີມສ້າງຄວາມໄວ້ເນື້ອເຊື່ອໃຈກັນດ້ານການເມືອງລະຫວ່າງຈີນກັບສ.ເກົາຫຼີແລະຍີ່ປຸ່ນ,ຊຸກຍູ້ການພົວພັນສອງຕໍ່ສອງໃຫ້ຂະຫຍາຍຕົວອອກຢ່າງປອດໄສແລະໝັ້ນທ່ຽງ;ໄດ້ຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຈີນກັບສ.ເກົາຫຼີແລະຈີນກັບຍີ່ປຸ່ນໄດ້ຂະຫຍາຍລົງສູ່ລວງເລິກ;ແລະເປີດກວ້າງການແລກປ່ຽນລະຫວ່າງຈີນກັບສ.ເກົາຫຼີແລະຈີນກັບຍີ່ ປຸ່ນ;ໄດ້ສະແດງໃຫ້ເຫັນຄວາມຕັດສິນໃຈຂອງຝ່າຍຈີນທີ່ຍິນດີຮ່ວມມືກັບສ.ເກົາຫຼີແລະຍີ່ປຸ່ນ,ເພື່ອປົກປັກຮັກສາສັນຕິພາບແລະສະຖຽນລະພາບຂອງພາກພື້ນ,ແມ່ນການຢ້ຽມຢາມທີ່ສຳເລັດຜົນ.
|
|
|
