|
ຂະບວນລົດຂອງກິດຈະກຳວິທະຍຸກະຈາຍສຽງແລະໂທລະພາບຮ່ວມ ສຳພາດຂະໜາດໃຫຍ່ທີ່ມີຊື່ວ່າ "ການທ່ອງທ່ຽວຮ່ວມມືລະຫວ່າງຈີນກັບອາຊຽນ" ຈະອອກເດີນທາງໃນໄວໆນີ້
cri
Author: m
ທ່ານຜູ້ຟັງທີ່ເຄົາລົບ, ວຽກງານກະກຽມຕ່າງໆຂອງ ກິດຈະກຳວິທະຍຸກະຈາຍສຽງແລະໂທລະພາບຮ່ວມກັນສຳພາດຂະໜາດໃຫຍ່ທີ່ມີວ່າ "ການ ທ່ອງທ່ຽວແຫ່ງການຮ່ວມມືລະຫວ່າງຈີນກັບອາຊຽນ" ໄດ້ກຽມພ້ອມແລ້ວໃນຂັ້ນພື້ນຖານ, ແລະຈະເລີ່ມດຳເນີນໃນວັນທີ 24 ເມສານີ້. ຕອນບ່າຍວັນທີ 18 ເມສານີ້, ຝ່າຍຈັດກິດຈະກຳໄດ້ຈັດງານຖະແຫຼງຂ່າວຢູ່ປັກກິ່ງ. ຕໍ່ໄປ, ເຊີນຟັງການລາຍງານຂ່າວທີ່ນັກຂ່າວວິທະຍຸພວກເຮົາສົ່ງມາ.
ກິດຈະກຳວິທະຍຸກະຈາຍສຽງແລະໂທລະພາບຮ່ວມກັນສຳພາດຢ່າງຂະ ໜາດໃຫຍ່ກ່ຽວກັບ "ການທ່ອງທ່ຽວຮ່ວມມືກັນລະຫວ່າງຈີນກັບອາຊຽນ" ແມ່ນຈັດຂຶ້ນໂດຍວິທະຍຸສາກົນແຫ່ງປະເທດຈີນ, ກົມວິທະຍຸກະຈາຍສຽງຮູບເງົາແລະໂທລະພາບເຂດປົກຄອງຕົນເອງກວາງຊີເຜົ່າຈ້ວງ, ແລະໂທລະພາບ PHTV ຂອງຮົງກົງ, ກ່ຽວພັນເຖິງຈີນແລະ 10 ປະເທດອາຊຽນ, ຈະດຳເນີນໄປເປັນເວລາ 50 ມື້, ໄລຍະທາງ 2 ໝື່ນກິໂລແມັດ. ວັນທີ 10 ຮອດວັນທີ 12 ເດືອນໜ້າ, ຂະບວນລົດຈະເດີນທາງໄປຮອດລາວແລະດຳເນີນການສຳພາດ.
ໃນງານຖະແຫຼງຂ່າວ, ທ່ານວາງເກີ່ນນຽນ ຫົວໜ້າວິທະຍຸສາກົນແຫ່ງປະເທດຈີນກ່າວວ່າ, ຈີນກັບອາຊຽນແມ່ນປະເທດບ້ານໃກ້ເຮືອນຄຽງທີ່ມີໄມຕີຈິດຕໍ່ກັນສອງປະເທດມີສາຍພູແລະແມ່ນ້ຳຕິດຈອດກັນ, ທັງແມ່ນຄູ່ຮ່ວມມືຍຸດທະສາດທີ່ສຳຄັນ. ຈຸດປະສົງຂອງກິດຈະກຳເທື່ອນີ້ແມ່ນເພື່ອຊຸກຍູ້ໃຫ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບອາຊຽນໃຫ້ພັດທະນາກ້າວສູ່ລວງເລິກ, ສ້າງບັນຍາກາດສາກົນອັນດີງາມ, ແລະຊຸກຍູ້ການສ້າງໂລກທີ່ກົມກຽວກັນ.
ກ່ຽວກັບເນື້ອໃນຕ່າງໆຂອງກິດຈະກຳເທື່ອນີ້, ເຊີນທ່ານເຂົ້າຊົມໃນເວັບໃຊຂອງພວກເຮົາຫຼັງຈາກວັນທີ 24 ເດືອນນີ້, ຄື: laos.cri.cn
|
|
