|
|
 |
| (GMT+08:00)
2007-04-19 15:42:38
|
 |
|
ການຂົນສົ່ງທາງນ້ຳຂ້າມຊາດຢູ່ຕອນເໜືອແມ່ນ້ຳຂອງໄດ້ມີແຜນທີ່ເດີນເຮືອແລ້ວ
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ແຜນທີ່ເດີນເຮືອສະບັບທຳອິດຂອງການຂົນສົ່ງທາງນ້ຳຂ້າມຊາດຢູ່ຕາມແມ່ນ້ຳລ້ານຊ້າງ-ແມ່ນ້ຳຂອງເຊິ່ງເປັນແມ່ນ້ຳສາກົນອາຊີໄດ້ສ້າງສຳເລັດແລ້ວ.
ໃນກອງປະຊຸມຄະນະກຳມາທິການປະສານງານການເດີນເຮືອທຸລະກິດແມ່ນ້ຳລ້ານຊ້າງ-ແມ່ນ້ຳຂອງລະຫວ່າງຈີນ ລາວ ມຽນມາແລະໄທທີ່ຈັດຂຶ້ນໃນຫວ່າງມໍ່ໆນີ້,ຈີນໄດ້ສະໜອງແຜນທີ່ເດີນເຮືອຢູ່ຕອນເໜືອແມ່ນ້ຳຂອງທີ່ເປັນສະບັບພາສາຈີນແລະອັງກິດໃຫ້ແກ່ລາວ ມຽນມາແລະໄທ,ແຜນທີ່ເດີນເຮືອສະບັບນີ້ໄດ້ສະແດງຢ່າງລະອຽດກ່ຽວກັບສະພາບຕ່າງໆເຊັ່ນພູມສັນຖານ ພືດ ສິ່ງກໍ່ສ້າງຕົ້ນຕໍ ບ້ານແລະການແຈກຢາຍຂອງເກາະແກ້ງທີ່ກີດຂວາງການເດີນເຮືອໃນໄລຍະທາງ 332 ກິໂລແມັດແຕ່ຊາຍແດນຈີນມຽນມາຕອນເໜືອແມ່ນ້ຳຂອງທີ່ໄຫຼຜ່ານຈີນ ລາວ ມຽນມາແລະໄທ.ແຕ່ນີ້ເປັນຕົ້ນໄປ,ລູກເຮືອຂອງ 4 ປະເທດທີ່ເດີນເຮືອຕາມຕອນເໜືອແມ່ນ້ຳຂອງນັ້ນໄດ້ມີປື້ມຄູ່ມືທີ່ຊີ້ທາງການເດີນເຮືອຢ່າງປອດໄພແລ້ວ.
ຕາມສັນຍາລະຫວ່າງກະຊວງຄົມມະນາຄົມຂອງ 4 ປະເທດດັ່ງກ່າວ,ແຜນທີ່ເດີນເຮືອຢູ່ຕາມຕອນເໜືອແມ່ນ້ຳຂອງແມ່ນສ້າງຂຶ້ນໂດຍພະແນກຄຸ້ມຄອງວຽກງານການເດີນເຮືອແຂວງຢູນນານຈີນທີ່ໄດ້ສົ່ງຊ່າງເຕັກນິກໄປສຳຫຼວດແລະຢູ່ໃຕ້ການສົມທົບຮ່ວມມືຂອງພາກສ່ວນທີ່ກ່ຽວຂ້ອງຂອງລາວ ມຽນມາແລະໄທ,ແລະໃຊ້ເວລາ 2 ປີ.
|
|
|
