|
ໂຄສົກກະຊວງການຕ່າງປະເທດຈີນກ່າວວ່າ, ຫຼັກໝັ້ນຂອງຝ່າຍຈີນໃນບັນຫາການປະຕິຮູບສະພາຄວາມໝັ້ນຄົງສະຫະປະຊາຊາດບໍ່ມີການປ່ຽນແປງ
cri
Author: m
ຕາມຂ່າວສານຊິ່ນຮວາ: ວັນທີ 19 ເມສານີ້, ຢູ່ທີ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ຫຼັກໝັ້ນຂອງຝ່າຍຈີນໃນບັນຫາການປະຕິຮູບຂອງສະພາຄວາມໝັ້ນຄົງສະຫະປະຊາຊາດບໍ່ມີການປ່ຽນແປງ. ຝ່າຍຈີນຄັດຄ້ານການຂືນປະຕິບັດແຜນການປະຕິຮູບໃດໆທີ່ຍັງມີຄວາມເຫັນຂັດແຍ່ງກັນຫຼາຍ.
ທ່ານລິວຈ້ຽນຊ່າວກ່າວວ່າ, ຝ່າຍຈີນສະໜັບສະໜູນສະພາຄວາມໝັ້ນຄົງອົງການສະຫະປະຊາຊາດດຳເນີນການປະຕິຮູບທີ່ຈຳເປັນແລະສົມເຫດສົມຜົນ, ປະຈຸບັນ, ຝ່າຍຕ່າງໆຍັງມີຄວາມເຫັນຂັດແຍ່ງກັນຢ່າງເລິກເຊິ່ງຕໍ່ເລື່ອງນີ້, ຄວນສືບຕໍ່ຫາລືກັນແບບປະຊາທິປະໄຕຢ່າງເຕັມສ່ວນແລະມີຄວາມອົດທົນ, ຍາດແຍ່ງໃຫ້ບັນລຸຄວາມເປັນເອກະສັນກັນ, ຊອກຫາວິທີແກ້ໄຂທີ່ປະເທດຕ່າງໆລ້ວນແຕ່ຮັບເອົາໄດ້.
|
|
