|
ຈີນຈະໃຊ້ມາດຕະການຢ່າງທັນການເພື່ອຫຼີກເວັ້ນບໍ່ໃຫ້ເສດຖະກິດເກີດມີບາດຂຶ້ນບາດລົງຢ່າງຂະໜາດໃຫຍ່
cri
Author: m
ຕາມຂ່າວ CRI: ໂດຍອີງຕາມສະພາບໃໝ່ແລະບັນຫາໃໝ່ທີ່ປະກົດຂຶ້ນໃນການໝູນເດີນຂອງເສດຖະກິດ, ຈີນຈະໃຊ້ມາດຕະການຢ່າງທັນການ, ເພີ່ມທະວີການສັບຊ້ອມຄວບຄຸມທາງມະຫາພາກ, ຂ້ຽວເລັ່ງສັບຊ້ອນອົງປະກອບເສດຖະກິດແລະການຫັນປ່ຽນຂອງແບບວິທີເຕີບໂຕ, ປ້ອງກັນບໍ່ໃຫ້ເສດຖະກິດເພີ່ມຂຶ້ນອ່າວໄວຫຼືຈົນໄປແຮງໂພດ, ຫຼີກເວັ້ນບໍ່ໃຫ້ມີບາດຂຶ້ນບາດລົງຢ່າງຂະໜາດໃຫຍ່.
ນີ້ແມ່ນຂ່າວທີ່ກອງປະຊຸມປະຈຳຂອງລັດຖະບານຈີນທີ່ຈັດຂຶ້ນໃນວັນທີ 18 ເມສານີ້ເຜີຍໃຫ້ຮູ້.
ກອງປະຊຸມໄດ້ວິເຄາະສະພາບການໝູນເດີນຂອງເສດ ຖະກິດຈີນໃນໄຕມາດທີໜຶ່ງປີນີ້, ເຫັນວ່າ, ແຕ່ຕົ້ນປີມານີ້, ສະພາບການທົ່ວໄປຂອງການພັດທະນາເສດຖະກິດຈີນແມ່ນດີ, ແຕ່ຍັງມີຂໍ້ຂັດແຍ່ງແລະບັນຫາທີ່ພົ້ນເດັ່ນຈຳນວນໜຶ່ງ. ຕໍ່ໄປ, ຈີນຈະເພີ່ມທະວີການປະຕິບັດນະໂຍບາຍສະໜັບສະໜູນແລະໃຫ້ບູລິມະສິດແກ່ກະສິກຳ, ພະຍາຍາມເປີດກວ້າງຊ່ອງທາງໃຫ້ຊາວກະສິກຳມີລາຍໄດ້ເພີ່ມຂຶ້ນ. ສະກັດກັ້ນບໍ່ໃຫ້ຜະລິດຕະພັນທີ່ສິ້ນເປືອງພະລັງງານຫຼາຍນັ້ນເພີ່ມຂຶ້ນໄວເກີນໄປ, ຂ້ຽວເລັ່ງຄັດຖິ້ມເຄື່ອງປະກອບທີ່ຄວາມສາມາດຜະລິດຫຼ້າຫຼັງ. ສືບຕໍ່ເພີ່ມທະວີການສັບຊ້ອນຄວບຄຸມການລົງທືນຊັບສິນຄົງທີ່, ຊີ້ນຳທິດລົງທືນຂອງສັງຄົມຢ່າງຖືກຕ້ອງ, ລະງັບດຸນໄດ້ປຽບທາງການຄ້າທີ່ເພີ່ມຂຶ້ນໄວເກີນໄປຢ່າງບັງເກີດຜົນ.
|
|
