|
ທູດພິເສດກ່ຽວກັບບັນຫາຕາເວັນອອກກາງກ່າວວ່າ, ຈີນໄດ້ວາງຕົວເປັນຜູ້ທີ່ມີທ່າທີຕັ້ງໜ້າແລະທ່ຽງທຳຢູ່ຕາເວັນອອກກາງ
cri
Author: m
ຕາມຂ່າວ CRI: ແຕ່ວັນທີ 9 ຫາວັນທີ 18 ເມສານີ້, ທ່ານຊຸ່ນປີ້ກ້ານ ທູດພິເສດກ່ຽວກັບບັນຫາຕາເວັນອອກກາງຂອງຈີນໄດ້ໄປຢ້ຽມຢາມອາລາບີຊາອູດິດ, ປາເລັສຕິນແລະອິສຣາແອນ, ແລະໄດ້ຢ້ຽມຢາມສຳນັກງານໃຫຍ່ສະຫະພາບເອີລົບ. ຕອນບ່າຍວັນທີ 20 ເມສານີ້, ຢູ່ປັກກິ່ງ, ທ່ານໄດ້ແນະນຳການໄປຢ້ຽມຢາມຕາເວັນອອກກາງເທື່ອນີ້ຕໍ່ນັກຂ່າວຈີນແລະຕ່າງປະເທດ, ແລະໄດ້ຕອບຄຳຖາມຂອງນັກຂ່າວ.
ທ່ານຊຸ່ນປີ້ກ້ານເວົ້າວ່າ, ເລີ່ມແຕ່ຊຸມປີ 1950, ຈີນກໍ່ໄດ້ສ້າງການພົວພັນທາງການທູດກັບປະເທດອາຣາບແລ້ວ, ແຕ່ໃດມາ, ຈີນກໍ່ໄດ້ສະໜັບສະໜູນພາລະກິດທີ່ປະຊາຊົນປາເລັສຕິນດຳເນີນເພື່ອຟື້ນຟູສິດຊອບກົດໝາຍຂອງຕົນ. ເຖິງວ່າຈີນກັບອິສຣາແອນສ້າງສາຍສຳພັນທາງການທູດບໍ່ດົນປານໃດ, ແຕ່ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງສະດວກ.
ທ່ານເວົ້າວ່າ, ຢູ່ພາກພື້ນຕາເວັນອອກກາງ, ຈີນບໍ່ມີຜົນປະໂຫຍດສ່ວນຕົວ, ແຕ່ຈີນເອົາໃຈໃສ່ນຳສັນຕິພາບຂອງພາກພື້ນນີ້ຫຼາຍ. ທ່ານກ່າວເນັ້ນວ່າ, ແຕ່ໃດມາ, ຈີນກໍ່ມີເຈດຈຳນົງໃຫ້ປະຕິບັດຕາມມະຕິທີ່ກ່ຽວຂ້ອງຂອງອົງການສະຫະປະຊາຊາດແລະຫຼັກການ "ເອົາທີ່ດິນແລກປ່ຽນສັນຕິພາບ", ແກ້ໄຂການວິວາດກັນລະຫວ່າງປາເລັສຕິນກັບອິສຣາແອນໂດຍຜ່ານການເຈລະຈາທາງການທູດ, ແລະໃຫ້ສອງປະເທດແລະສອງຊາດບັນລຸການຢູ່ຮ່ວມກັນໂດຍສັນຕິໃນທີ່ສຸດ.
|
|
