|
|
 |
| (GMT+08:00)
2007-04-24 18:55:45
|
 |
|
ຝ່າຍຕ່າງໆຂອງການເຈລະຈາ 6 ຝ່າຍພວມແກ້ໄຂບັນຫາທຶນທີ່ກ່ຽວພັນກັບສ.ປ.ປ.ເກົາຫຼີດ້ວຍທ່າທີຮ່ວມມື
cri
Author: cai
ຕາມຂ່າວCRI:ວັນທີ 24 ເມສານີ້,ຢູ່ປັກກິ່ງ,ທ່ານລີວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ເນື່ອງຈາກວ່າບັນຫາກ່ຽວກັບທຶນຂອງສ.ປ.ປ.ເກົາຫຼີຍັງບໍ່ທັນໄດ້ຮັບການແກ້ໄຂຢ່າງເຖິງຖອງ,ເຮັດໃຫ້ຂະບວນທີ່ກ່ຽວຂ້ອງຂອງການເຄື່ອນໄຫວໄລຍະເລີ່ມຕົ້ນທີ່ກຳນົດໄວ້ໃນເອກະສານຮ່ວມນັ້ນຖືກເລື່ອນເວລາ,ແຕ່ຝ່າຍຕ່າງໆຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍຂອງແຫຼມເກົາຫຼີຍັງປະຕິບັດຕໍ່ບັນຫາທີ່ກ່ຽວຂ້ອງດ້ວຍທ່າທີຮ່ວມມື,ຍາດແຍ່ງເຮັດໃຫ້ບັນຫາທຶນທີ່ກ່ຽວພັນກັບສ.ປ.ປ.ເກົາຫຼີໄດ້ຮັບການແກ້ໄຂໂດຍໄວເທົ່າທີ່ຈະໄວໄດ້.
ກອງປະຊຸມໄລຍະທີໜຶ່ງຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍຂອງແຫຼມເກົາຫຼີຮອບ 6 ໄດ້ຈັດຂຶ້ນຢູ່ປັກກິ່ງແຕ່ວັນທີ 19 ຫາ 22 ມີນາແລ້ວນີ້.ຍ້ອນວ່າບັນຫາຍົກເລີກການງົດທຶນທີ່ສ.ປ.ປ.ເກົາຫຼີຝາກຢູ່ທະນາຄານບານໂຄ ເດວທາ ອາຊີຂອງມາກາວບໍ່ໄດ້ຮັບການແກ້ໄຂ,ການເຈລະຈາ 6 ຝ່າຍຈຳເປັນຕ້ອງປິດປະຊຸມ.ຫຼັງຈາກນັ້ນ,ອາເມລິກາເຄີຍສະແດງວ່າໄດ້ໃຊ້ມາດຕະການຍົກເລີກການງົດທຶນຂອງສ.ປ.ປ.ເກົາຫຼີແລ້ວ,ສ່ວນສ.ປ.ປ.ເກົາຫຼີກໍ່ສະແດງວ່າພາຍຫຼັງໄດ້ຢືນຢັນວ່າ ໄດ້ຍົກເລີກການງົດທຶນທີ່ກ່ຽວຂ້ອງແລ້ວ,ຈຶ່ງສາມາດປະຕິບັດຄຳໝັ້ນສັນຍາກ່ຽວກັບການປິດສິ່ງກໍ່ສ້າງນິວເຄຼຍທີ່ກ່ຽວຂ້ອງ.
|
|
|
