|
ຜູ້ຊ່ຽວຊານຊີ້ອອກວ່າ, ລະບອບອາກອນຂອງຈີນຫຼັງການປະຕິຮູບຍັງມີກຳລັງແຂ່ງຂັນສາກົນຄືເກົ່າ
cri
ຕາມຂ່າວສານຊິ່ນຮວາ: ວັນທີ 24 ເມສານີ້, ໃນກອງປະຊຸມເວທີປາໄສສຸດຍອດກ່ຽວກັບວຽກງານພາສີອາກອນຈີນຄັ້ງທຳອິດທີ່ຈັດຂຶ້ນຢູ່ເມືອງເຮີເຟີຍ, ທ່ານຢາງຊົງຊຸ່ນ ຫົວໜ້າສະມາຄົມວຽກງານພາສີອາກອນຈີນກ່າວວ່າ, ເມື່ອໄດ້ປັບປຸງອັດຕາອາກອນລາຍໄດ້ຂອງວິສາຫະກິດຂອງຈີນແລະຕ່າງປະເທດໃຫ້ເປັນເອກະພາບກັນແລ້ວ, ລະບອບພາສີອາກອນຂອງຈີນຄົງຮົກສາກຳລັງແຂ່ງຂັນສາກົນຄືເກົ່າ.
ທ່ານຢາງຊົງຊຸ່ນກ່າວວ່າ, ອັດຕາອາກອນສະເລ່ຍຂອງປະເທດແລະເຂດແຄ້ວນໃນໂລກທີ່ປະຕິບັດອາກອນລາຍໄດ້ຂອງວິສາຫະກິດແມ່ນ 28.6%, ອັດຕາອາກອນສະເລ່ຍໃນ 18 ປະເທດແລະເຂດແຄ້ວນໃກ້ຄຽງຈີນແມ່ນ 26.7%. ກົດໝາຍວ່າດ້ວຍອາກອນສະບັບໃໝ່ທີ່ຈີນເລີ່ມປະຕິບັດແຕ່ປີ 2008 ນັ້ນ ໄດ້ຕົກລົງອັດຕາອາກອນແມ່ນ 25%, ຢູ່ໃນລະດັບກາງຫຼືອ່າວຕ່ຳຖ້າທຽບກັບສາກົນ, ມີຜົນດີຕໍ່ການຮັກສາກຳລັງແຂ່ງຂັນຂອງລະບອບອາກອນຈີນ, ຊຸກຍູ້ແລະດຶງດູດນັກທຸລະກິດຕ່າງປະເທດມາລົງທຶນຢູ່ຈີນຕື່ມອີກ.
|
|
