|
ທ່ານຫູຈິນທ່າວຮຽກຮ້ອງໃຫ້ທ້ອງຖິ່ນຕ່າງໆເຮັດໃຫ້ກະສິກຳໄດ້ມາດຕະຖານແລະເຮັດວຽກງານຄວາມປອດໄພຂອງອາຫານໃຫ້ດີ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ກົມການເມືອງສູນກາງພັກກອມມູນິດຈີນຈັດຕັ້ງການຮ່ຳຮຽນແລະຄົ້ນຄວ້າຕໍ່ບັນຫາເຮັດໃຫ້ກະສິກຳໄດ້ມາດຕະຖານແລະຄວາມປອດໄພຂອງອາຫານຂອງຈີນ.ໃນເວລາເປັນປະທານຂອງການຮ່ຳຮຽນ,ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນກ່າວເນັ້ນວ່າ,ທ້ອງຖິ່ນຕ່າງໆຄວນມີຈິດໃຈທີ່ຮັບຜິດ ຊອບຕໍ່ປະຊາຊົນໃນລະດັບສູງ,ເຮັດໃຫ້ກະສິກຳໄດ້ມາດຕະຖານແລະເຮັດວຽກງານຄວາມປອດໄພຂອງອາຫານໃຫ້ດີ,ເພື່ອປົກປັກຮັກສາຜົນປະໂຫຍດພື້ນຖານຂອງປະຊາຊົນເປັນຢ່າງດີ.
ທ່ານຫູຈິນທ່າວຊີ້ອອກວ່າ,ຖ້າຢາກແກ້ໄຂບັນຫາເຂົ້າກິນຂອງປະຊາກອນ1ຕື້300ລ້ານຄົນໃຫ້ດີ,ຊຸກຍູ້ປະສິດທິຜົນຂອງກະສິກຳໃຫ້ສູງຂຶ້ນແລະໃຫ້ລາຍໄດ້ຂອງຊາວກະສິກອນຫຼາຍຂຶ້ນ,ກໍຕ້ອງເລັ່ງລັດເຮັດໃຫ້ກະສິກຳໄດ້ມາດຕະຖານ.ການເຮັດໃຫ້ກະສິກຳໄດ້ມາດຕະຖານ,ຕ້ອງດຳເນີນການຕິດຕາມຄຸ້ມຄອງຕະຫຼອດຂະບວນການຜະລິດຈາກໄຮ່ນາຈົນຮອດໂຕະ ກິນເຂົ້າ,ນີ້ແມ່ນເລື່ອງສຳຄັນທີ່ສຸດຕໍ່ການຮັບປະກັນຄວາມປອດໄພຂອງອາຫານ.
|
|
