|
ງານມະຫະກຳຈີນ-ອາຊຽນເຊີນບໍລິສັດຈັດຊື້ຂອງຈີນ,ເປີດກວ້າງການນຳເຂົ້າຈາກອາຊຽນ
cri
Author: shuo
ຕາມຂ່າວສານຈີນ:ໃນກອງປະຊຸມເຈົ້າໜ້າທີ່ລະດັບສູງຂອງງານມະຫະກຳຈີນ-ອາຊຽນຄັ້ງທີ4ທີ່ຫາກໍຈັດຂຶ້ນ,ທ່ານວາງເລີຍ ຮອງເລຂາທິການຂອງກອງເລຂາງານມະຫະກຳຈີນ-ອາຊຽນກ່າວວ່າ,ເພື່ອຈັດງານໃຫ້ທັງສອງຝ່າຍໄດ້ຮັບຜົນປະໂຫຍດນຳກັນຕື່ມອີກ,ເຮັດໃຫ້ການຮ່ວມງານຂອງວິສາຫະກິດອາຊຽນໄດ້ຮັບໝາກຜົນຫຼາຍກວ່າເກົ່າ,ງານມະຫະກຳຈີນ-ອາຊຽນຄັ້ງທີ4ຈະເຊື້ອເຊີນບໍລິສັດຈັດຊື້ຂອງຈີນ,ເພື່ອເປີດກວ້າງການນຳເຂົ້າຈາກອາຊຽນ.
ງານມະຫະກຳຈີນ-ອາຊຽນມີຈຸດປະສົງຊຸກຍູ້ການສ້າງເຂດການຄ້າເສລີຈີນ-ອາຊຽນ,ແຕ່ປີ 2004ມານີ້ໄດ້ຈັດຂຶ້ນ3ຄັ້ງຢ່າງສຳເລັດຜົນຢູ່ເມືອງນານນີງເຂດກວາງຊີຈີນ.ງານມະຫະກຳຄັ້ງທີ4ທີ່ຈະຈັດຂຶ້ນໃນເດືອນຕຸລາປີນີ້ຈະມີຫ້ອງວາງສະແດງທີ່ໄດ້ມາດຕະຖານສາມພັນຫ້ອງ,ໃນນັ້ນເປັນຂອງອາຊຽນ1ພັນຫ້ອງ.
|
|
