|
ມຽນມາຟື້ນຟູການພົວພັນທາງການທູດກັບສ.ປ.ປ.ເກົາຫຼີ
cri
Author: cai
ຕາມຂ່າວCRI:ວັນທີ 26 ເມສານີ້,ມຽນມາກັບສ.ປ.ປ.ເກົາຫຼີໄດ້ຟື້ນຟູການພົວພັນທາງການທູດທີ່ໄດ້ຂາດສະບັ້ນໄປເກືອບ 24 ປີ.
ວັນທີ 26 ເມສານີ້,ຢູ່ຢາງກຸງ,ທ່ານອູຄໍຕູ ລັດຖະມົນຕີຊ່ວຍວ່າການກະຊວງການຕ່າງປະເທດມຽນມາໄດ້ພົບປະເຈລະຈາກັບທ່ານກິມຢົງອິນ ລັດຖະມົນຕີຊ່ວຍວ່າການກະຊວງການຕ່າງປະເທດສ.ປ.ປ.ເກົາຫຼີທີ່ໄປຢ້ຽມຢາມ,ຫຼັງການພົບປະເຈລະຈາ,ສອງຝ່າຍໄດ້ເຊັນສັນຍາຟື້ນຟູການພົວພັນທາງການທູດລະຫວ່າງສອງປະເທດ.
ມື້ດຽວກັນ,ຢູ່ປັກກິ່ງ,ທ່ານລີວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ສ.ປ.ປ.ເກົາຫຼີກັບມຽນມາລ້ວນແຕ່ແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນຂອງຈີນ,ຝ່າຍຈີນຍິນດີທີ່ສຸດທີ່ໄດ້ເຫັນແລະຊົມເຊີຍສອງປະເທດປັບປຸງແລະຂະຫຍາຍການພົວພັນໃຫ້ດີຂຶ້ນ.
|
|
