|
ງານກິລາໂອລິມປິກປີ 2008 ຈະເຮັດໃຫ້ຈີນແລະປະເທດໃກ້ຄຽງໄດ້ຮັບຜົນປະໂຫຍດຈາກການທ່ອງທ່ຽວເຂົ້າເມືອງ
cri
Author: cai
ຕາມຂ່າວCRI:ວັນທີ 27 ເມສານີ້,ຢູ່ປັກກິ່ງ,ສະມາຄົມການທ່ອງທ່ຽວປາຊີຟິກອາຊີຫຼື PATA ເຊິ່ງເປັນອົງການທ່ອງທ່ຽວທີ່ຊົງອິດທິພົນຂອງພາກພື້ນອາຊີປາຊີຟິກແລະອົງການຈັດຕັ້ງສາກົນ Visa ໄດ້ປະກາດບົດລາຍງານສຳຫຼວດສະບັບໜຶ່ງ,ໂດຍຂຽນວ່າ,ງານກິລາໂອລິມປິກປັກກິ່ງປີ 2008 ບໍ່ພຽງແຕ່ຈະດູດດຶງນັກທ່ອງທ່ຽວມາທ່ຽວປັກກິ່ງເທົ່ານັ້ນ,ພ້ອມກັນນັ້ນ,ຍັງຈະດຶງດູດເອົານັກທ່ອງທ່ຽວຫຼາຍກວ່າເກົ່າມາທ່ຽວແຫ່ງອື່ນໆຂອງຈີນຈົນຮອດປະເທດແລະເຂດແຄວ້ນອ້ອມຂ້າງອີກດ້ວຍ.
ການສຳຫຼວດດັ່ງກ່າວແມ່ນດຳເນີນຢູ່ໃນ 10 ປະເທດເຊັ່ນອົສຕຼາລີ ເຢຍລະມັນ ຍີ່ປຸ່ນ ສ.ເກົາຫຼີແລະອາເມລິກາເປັນຕົ້ນດ້ວຍຮູບການຕັ້ງຄຳຖາມໃນອິນເຕີເນັດ.ຜົນການສຳຫຼວດສະແດງໃຫ້ເຫັນວ່າ,ໃນຜູ້ທີ່ຢາກມາເບິ່ງງານກິລາໂອລິມປິກປີ 2008 ຢູ່ປັກກິ່ງຂອງຈີນນັ້ນ,ເກືອບ 90% ມີແຜນໃຊ້ເວລາດົນກວ່າໄປທ່ຽວແຫ່ງອື່ນໆຂອງຈີນ.ພ້ອມກັນນັ້ນ,ມີຜູ້ຖືກສຳຫຼວດ 3/4 ເວົ້າວ່າ,ຍັງຈະໄປທ່ຽວຢູ່ເຂດອື່ນຂອງອາຊີ.
|
|
