|
ລັດຖະບານຈີນກ່າວວ່າ,ຈະປະຕິບັດສົນທິສັນຍາສາກົນເພື່ອຮັກສາສຸກຂະພາບດ້ານອາຊີບຂອງຜູ້ອອກແຮງງານ
cri
Author: shuo
ຕາມຂ່າວສານຊິນຮວາ:ວັນທີ28ເມສານີ້ແມ່ນວັນການຜະລິດຢ່າງປອດໄພກັບສຸກຂະພາບຂອງໂລກ.ລັດຖະບານຈີນກ່າວວ່າ,ຈະປະຕິບັດສົນທິສັນຍາວ່າດ້ວຍຄວາມປອດໄພແລະອະນາໄມດ້ານອາຊີບພ້ອມດ້ວຍສະພາບແວດລ້ອມບ່ອນເຮັດວຽກ,ເພື່ອຮັກສາ ຄວາມປອດໄພດ້ານຊີວິດແລະສຸກຂະພາບດ້ານອາຊີບຂອງຜູ້ອອກແຮງງານ.
ໃນງານກ່າວລາຍງານຫົວຂໍ້ສະເພາະທີ່ຈັດຂຶ້ນກ່ອນນີ້,ທ່ານວາງສຽນເຈີ້ງ ຮອງຫົວໜ້າກົມໃຫຍ່ຕິດຕາມຄຸ້ມຄອງການຜະລິດຢ່າງປອດໄພແຫ່ງຊາດຈີນກ່າວວ່າ,ການເຂົ້າຮ່ວມສົນທິສັນຍາວ່າດ້ວຍຄວາມປອດໄພແລະອະນາໄມດ້ານອາຊີບພ້ອມດ້ວຍສະພາບແວດລ້ອມບ່ອນເຮັດວຽກນັ້ນແມ່ນຄຳໝັ້ນສັນຍາອັນເຄັ່ງຂຶມຂອງລັດຖະບານຈີນທີ່ມີຕໍ່ປະ ຊາຄົມໂລກ.ປີກາຍນີ້,ສະພາປະຊາຊົນແຫ່ງຊາດຈີນໄດ້ອະນຸມັດສົນທິສັນຍາລັກສະນະພື້ນຖານແລະໂຄງຮ່າງຄວາມປອດໄພແລະສຸກຂະພາບດ້ານອາຊີບເປັນຄັ້ງທຳອິດ,ໄດ້ສ່ອງແສງໃຫ້ເຫັນທັດສະນະຄະຕິການປົກຄອງຂອງລັດຖະບານຈີນທີ່ຖືຄົນເປັນກົກແລະເອົາໃຈໃສ່ນຳຊີວິດການເປັນຢູ່ຂອງປະຊາຊົນ.
ທ່ານວາງສຽນເຈີ້ງກ່າວວ່າ,ຈີນຈະສືບຕໍ່ເປີດກວ້າງການຮ່ວມມືແລະການແລກປ່ຽນຂໍ້ມູນຂ່າວສານຢ່າງກວ້າງຂວາງກັບອົງການຄວາມປອດໄພແລະສຸກຂະພາບດ້ານອາຊີບຂອງສາກົນ ເຊິ່ງລວມທັງອົງການແຮງງານສາກົນແລະອົງການອະນາໄມໂລກ.
|
|
