|
ທ່ານບຸສຢັບຢັ້ງຍັດຕິເບີກເງິນສົງຄາມໂດຍດ່ວນທີ່ມີຕະລາງເວລາຖອນທະຫານ
cri
Author: m
ຕາມຂ່າວ CRI: ວັນທີ 1 ພຶດສະພາ, ທ່ານບຸສ ປະທານາທິບໍດີອາເມລິກາໄດ້ຢັບຢັ້ງຍັດຕິເບີກເງິນສົງຄາມໂດຍດ່ວນທີ່ມີຕະລາງເວລາຖອນທະຫານອາເມລິກາອອກຈາກອີຣັກ, ນີ້ແມ່ນເທື່ອທີ 2 ທີ່ທ່ານໃຊ້ສິດຢັບຢັ້ງແຕ່ທ່ານດຳລົງຕຳແໜ່ງເປັນປະທານາທິບໍດີເປັນຕົ້ນມາ.
ມື້ດຽວກັນ, ທ່ານບຸສກ່າວວ່າ, ຍັດຕິສະບັບນີ້ໄດ້ວາງເວລາຖອນທະຫານອອກຈາກອີຣັກທີ່ຕາຍຕົວ. ທ່ານກ່າວວ່າ, ການວາງຕະລາງເວລາຖອນທະຫານ, ບອກສັດຕູວ່າຕົວເອງຈະເລີ່ມຖອນທະຫານໃນເວລາໃດ, ຈະເຮັດໃຫ້ກອງທະຫານວຸ້ນວາຍ, ຕ້ອງຢັບຢັ້ງ.
ເມື່ອທ່ານບຸສຢັບຢັ້ງຍັດຕິດັ່ງກ່າວແລ້ວ, ສະພາຕ່ຳແລະສະພາສູງຈະຕ່າງຕ້ອງການມີບັດເຫັນດີ 2 ສ່ວນ 3 ຜ່ານຍັດຕິສະບັບນີ້, ຈື່ງສາມາດໂຄ່ນລົ້ມການຢັບຢັ້ງຂອງທ່ານບຸສໄດ້. ຍ້ອນພັກປະຊາທິປະໄຕບໍ່ມີບ່ອນນັ່ງສ່ວນຫຼາຍໃນສອງສະພາ, ສະນັ້ນຢາກໂຄ່ນລົ້ມການຢັບຢັ້ງຂອງທ່ານບຸສແມ່ນຍາກຫຼາຍ. ພາຍໃຕ້ສະພາບການແນວນີ້, ລັດຖະສະພາຕ້ອງວາງຍັດຕິເບີກເງິນສະບັບໃໝ່, ເມື່ອອະພິປາຍແລະປ່ອນບັດລົງຄະແນນສຽງແລ້ວ, ຈຶ່ງມອບໃຫ້ປະທານາທິບໍດີລົງນາມອີກ.
|
|
