|
ລາຍໄດ້ຕໍ່ປີຂອງລິກຂະສິດອຸດສາຫະກຳວັດທະນະທຳແລະຊອບແວຂອງຈີນຫຼາຍກວ່າ 800 ຕື້ຢວນ
cri
Author: m
ຕາມຂ່າວສານຊິ່ນຮວາ: ຫວ່າງມໍ່ໆນີ້, ທ່ານຢຽນຊຽນຮົງ ຮອງຫົວໜ້າກົມລິກຂະສິດແຫ່ງຊາດຈີນກ່າວວ່າ, ໃນຫຼາຍປີມານີ້, ວຽກງານປົກປ້ອງລິກຂະສິດຂອງຈີນໄດ້ຮັບໝາກຜົນອັນເດັ່ນຊັດ, ອຸດສາຫະກຳລິກຂະສິດໄດ້ປະກອບສ່ວນນັບມື້ນັບຫຼາຍເຂົ້າໃນການເຕີບໂຕຂອງເສດຖະກິດຈີນ, ລາຍໄດ້ຕໍ່ປີຂອງລິກຂະສິດໃນດ້ານອຸດສາຫະກຳວັດທະນະທຳແລະຊອບແວໄດ້ລື່ນກາຍ 800 ຕື້ຢວນແລ້ວ.
ຕາມການແນະນຳວ່າ, ແຕ່ປີ 1995 ຮອດປີ 2005, ຂະແໜງການບໍລິຫານຄຸ້ມຄອງລິກຂະສິດຂັ້ນຕ່າງໆຂອງຈີນໄດ້ແກ້ໄຂຄະດີລ່ວງລະເມີດລິກຂະສິດ 5 ໝື່ນກວ່າລາຍ, ຍຶດໄດ້ເຄື່ອງລັກລອກແບບ 465 ລ້ານເຄື່ອງ, ແລະໄດ້ກວດພົບສາຍຜະລິດແຜ່ນCDຜິດກົດໝາຍພາຍໃນປະເທດ 231 ສາຍ.
|
|
