|
|
 |
| (GMT+08:00)
2007-05-03 16:47:04
|
 |
|
ປະທານສະຫະພັນຄອງອຳນາດອິສຣາແອນປະກາດລາອອກຈາກຕຳແໜ່ງ
cri
Author: m
ຕາມຂ່າວ CRI: ຕອນຄ່ຳວັນທີ 2 ພຶດສະພານີ້, ທ່ານອາວິກໂດ ອີດຈາຄີ ປະທານສະຫະພັນຄອງອຳນາດສະພາອິສຣາແອນ, ສະມາຊິກສະພາພັກຄາດີມາປະກາດລາອອກຈາກຕຳແໜ່ງ.
ມື້ດຽວກັນ, ພັກຄາດີມາອິສຣາແອນຈັດກອງປະຊຸມ, ຫາລືເນື້ອໃນທີ່ກ່ຽວຂ້ອງຂອງບົດລາຍງານຄະນະກຳມະການສຳຫຼວດພິເສດທີ່ຮັບຜິດຊອບສຳຫຼວດການປະທະກັນລະຫວ່າງລີບັງກັບອິສຣາແອນໃນປີກາຍນີ້. ໃນເວລາກອງປະຊຸມເລີ່ມຕົ້ນ, ທ່ານອີດຈາຄີໄດ້ປະກາດຂ່າວທີ່ທ່ານຂໍລາອອກຈາກຕຳແໜ່ງປະທານສະຫະພັນຄອງອຳນາດ, ທ່ານຍັງຮຽກຮ້ອງໃຫ້ທ່ານໂອນເມິດ ນາຍົກລັດຖະມົນຕີລາອອກຈາກຕຳແໜ່ງ.
ມື້ດຽວກັນ, ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ເຢລູຊະເລັມ, ນາງຈີພີ ລິຟນີ ລັດຖະມົນຕີກະຊວງການຕ່າງປະເທດອິສຣາແອນກໍ່ຮຽກຮ້ອງໃຫ້ທ່ານໂອນເມິດລາອອກຈາກຕຳແໜ່ງນາຍົກລັດຖະມົນຕີ.
ນອກນີ້, ຂ່າວແຈ້ງອີກວ່າ, ວັນທີ 2 ພຶດສະພານີ້, ທ່ານອາມີ ເປເຣສ ລັດຖະມົນຕີກະຊວງປ້ອງກັນປະເທດອິສຣາແອນກ່າວວ່າ, ການຕົກລົງຂອງລັດຖະບານອິສຣາແອນໃນການປະທະກັນລະຫວ່າງອິສຣາແອນກັບລີບັງໃນປີກາຍນີ້ແມ່ນຖືກຕ້ອງ. ແຕ່ທ່ານເອງບໍ່ໄດ້ສະແດງທ່າທີຕໍ່ບັນຫາຈະລາອອກຈາກຕຳແໜ່ງຫຼືບໍ່.
ມື້ດຽວກັນ, ທ່ານມາຮມຸດ ອາບບັສ ປະທານອົງການອຳນາດແຫ່ງຊາດປາເລັສຕິນກ່າວວ່າ, ບໍ່ວ່າສະຖານະການການເມືອງອິສຣາແອນເກີດມີການປ່ຽນແປງຫຍັງ, ຝ່າຍປາເລັສຕິນກໍ່ຫວັງຢາກຮັກສາການຕິດຕໍ່ພົວພັນກັບອິສຣາແອນ.
|
|
|
