|
|
 |
| (GMT+08:00)
2007-05-04 16:56:06
|
 |
|
ກອງປະຊຸມ "ສັນຍາສາກົນອີຣັກ" ອັດລົງ
cri
Author: m
ຕາມຂ່າວ CRI: ວັນທີ 3 ພຶດສະພານີ້, ເມື່ອໄດ້ພິຈາລະນາແລະຜ່ານເອກະສານສັນຍາແລ້ວ, ກອງປະຊຸມລະດັບລັດຖະມົນຕີ "ສັນຍາສາກົນອີຣັກ" ໄດ້ອັດລົງຢູ່ຊາມ ເອນເຊອິກຂອງເອຢິບ. ນີ້ໝາຍເຖິງສັນຍາສາກົນທີ່ມີຈຸດປະສົງເພື່ອຊຸກຍູ້ສັນຕິພາບແລະການສ້າງສາອີຣັກຄືນໃໝ່ໄດ້ເລີ່ມຕົ້ນຢ່າງເປັນທາງການ.
ໃນຖານະເປັນຄຳໝັ້ນສັນຍາໃນ 5 ປີພາຍໜ້າທີ່ລັດຖະບານອີຣັກກັບປະຊາຄົມໂລກໃຫ້ກັນ, ສັນຍານີ້ຈະຊ່ອຍອີຣັກສ້າງປະເທດປະຊາທິປະໄຕທີ່ມີຄວາມປອດໄພແລະເປັນເອກະພາບກັນບົນພື້ນຖານເສລີພາບແລະສະເໝີພາບ, ຮັບປະກັນປະຊາຊົນອີຣັກບັນລຸສັນຕິພາບ,ຄວາມໝັ້ນຄົງພັດທະນາແລະຈະເລີນຮຸ່ງເຮືອງ. ໃນໄລຍະນີ້, ລັດຖະບານອີຣັກຈະປະຕິບັດຕາມຄຳໝັ້ນສັນຍາຂອງຕົນພາຍໃຕ້ການຊ່ອຍເຫຼືອຈາກປະຊາຄົມໂລກ, ບັນລຸເປົ້າໝາຍໃນດ້ານຕ່າງໆ, ເຊັ່ນ: ການເມືອງ, ຄວາມປອດໄພ, ສັງຄົມແລະເສດຖະກິດເປັນຕົ້ນ.
ເອກະສານທີ່ຍາວເຖິງ 40 ກວ່າໜ້າສະບັບນີ້ບໍ່ໄດ້ເວົ້າເຖິງຕາລາງເວລາຖອນທະຫານຂອງກອງທະຫານຕ່າງປະເທດປະຈຳອີຣັກ.
ຫຼັງກອງປະຊຸມ, ທ່ານບານກີມູນ, ເລຂາທິການໃຫຍ່ອົງການສະຫະປະຊາຊາດປະກາດວ່າ, ປະເທດທີ່ເຂົ້າຮ່ວມກອງປະຊຸມເທື່ອນີ້ໄດ້ໃຫ້ຄຳໝັ້ນສັນຍາວ່າຈະຍົກເວັ້ນໜີ້ສິ້ນ 30 ຕື້ໂດລາ. ທ່ານນູຣີ ອັນ ມາລີຄີ ນາຍົກລັດຖະມົນຕີອີຣັກກ່າວວ່າ, ກອງປະຊຸມເທື່ອນີ້ແມ່ນເວລາສຳຄັນອັນໜຶ່ງໃນປະຫວັດສາດຂອງອີຣັກ, ອີຣັກມີຄວາມສາມາດຮັກສາຄວາມປອດໄພແລະຄວາມໝັ້ນຄົງພາຍໃນປະເທດ.
|
|
|
