|
ຈີນເກື້ອກູນແນວພັນດີໃນ 5 ປີມານີ້ໄດ້ເຮັດໃຫ້ຊາວກະສິກອນ 58 ລ້ານຄອບຄົວໄດ້ຮັບຜົນປະໂຫຍດ
cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ທ່ານເຊ່ຍລ້ຽງ ໂຄສົກຖະແຫຼງຂ່າວກະຊວງກະສິກຳຈີນປະກາດວ່າ, ແຕ່ 2002 ເປັນຕົ້ນມາ, ການເງິນສູນກາງຈີນໄດ້ຈັດວາງເງິນເກື້ອກູນແນວພັນດີ 10 ກວ່າຕື້ຢວນ, ເຮັດໃຫ້ຊາວກະສິກອນ 58 ລ້ານກວ່າຄອບຄົວໄດ້ຮັບຜົນປະໂຫຍດ, ໄດ້ຊຸກຍູ້ໃຫ້ຜົນຜະລິດທັນຍາຫານເພີ່ມຂຶ້ນຢ່າງໝັ້ນທ່ຽງແລະລາຍໄດ້ຊາວກະສິກອນເພີ່ມຂຶ້ນຢ່າງສືບເນື່ອງ.
ທ່ານເຊ່ຍລ້ຽງກ່າວວ່າ, ນັບແຕ່ປະຕິບັດການໃຫ້ເງິນເກື້ອກູນແນວພັນດີມານີ້, ໄດ້ຊຸກຍູ້ໃຫ້ແຖບອຸດສາຫະກຳທັນຍາຫານຄຸນນະພາບດີຂອງຈີນຈໍ່ຕົວຂຶ້ນ, ເລັ່ງລັດການສ້າງແຖບອຸດສາຫະກຳເຂົ້ານາຄຸນນະພາບດີ, ແຖບອຸດສາຫະກຳເຂົ້າເບຼຄຸນນະພາບດີທີ່ໃຊ້ສະເພາະ, ເຂດທີ່ມີທ່າແຮງໃນການປູກເຂົ້າສາລີທີ່ໃຊ້ສະເພາະແລະເຂດທີ່ມີທ່າແຮງໃນການປູກຖົ່ວເຫຼືອງທີ່ມີນ້ຳມັນຫຼາຍ, ລາຍໄດ້ຂອງຊາວກະສິກອນໃນທ້ອງຖິ່ນດັ່ງກ່າວນີ້ກໍ່ໄດ້ເພີ່ມຂຶ້ນຢ່າງສືບເນື່ອງ.
|
|
