|
ໂຄງການແສງຕາເວັນຂອງຈີນເຮັດໃຫ້ແຮງງານຊົນນະບົດ 7 ລ້ານ 6 ແສນຄົນປະກອບອາຊີບທີ່ບໍ່ແມ່ນກະສິກຳ
cri
ຕາມຂ່າວສານຊິ່ນຮວາ: ແຕ່ "ໂຄງການແສງຕາເວັນຍົກຍ້າຍແຮງງານຊົນນະບົດ" ເຊິ່ງເອີ້ນຫຍໍ້ເປັນໂຄງການແສງຕາເວັນໄດ້ປະຕິບັດເປັນເວລາ 3 ປີມານີ້, ໄດ້ອົບຮົມຊາວກະສິກອນ 8 ລ້ານ 8 ແສນຄົນ, ໃນນັ້ນ, ມີ 7 ລ້ານ 6 ແສນຄົນໄດ້ປະກອບອາຊີບຢູ່ຂະແໜງການທີ່ບໍ່ແມ່ນກະສິກຳ.
ໂຄງການແສງຕາເວັນປະຕິບັດໂດຍກະຊວງກະສິກຳຈີນເປັນຕົ້ນ, ການເງິນສູນກາງໄດ້ຈັດວາງເງິນທຶນລວມ 1 ຕື້ 200 ລ້ານຢວນ. ຕາມການສຳຫຼວດຄຳນວນ, ຊາວກະສິກອນທີ່ຍົກຍ້າຍການປະກອບອາຊີບຫຼັງຈາກໄດ້ຮັບການອົບຮົມຈາກໂຄງການນີ້, ລາຍໄດ້ສະເລ່ຍຕາມຫົວຄົນໄດ້ມີການຍົກສູງຂຶ້ນຢ່າງຫຼວງຫຼາຍ.
ຕາມການແນະນຳ, ໂຄງການແສງຕາເວັນໄດ້ຮັບປະກັນໃຫ້ຊາວກະສິກອນທີ່ໄດ້ຮັບການອົບຮົມສ່ວນຫຼາຍມີຊ່ອງທາງປະກອບອາຊີບທີ່ໝັ້ນຄົງໂດຍຜ່ານຮູບແບບຕ່າງໆ, ເຊັ່ນ, ການອົບຮົມສະເພາະທິດແລະໃຫ້ໂຮງຮຽນແລະວິສາຫະກິດຮ່ວມກັນອົບຮົມເປັນຕົ້ນ, ໄດ້ຊຸກຍູ້ການຍົກຍ້າຍແຮງງານຊົນນະບົດຢ່າງມີລະບຽບ.
|
|
