|
ທ່ານຈິ່ນເຢັນຊິ້ງຫວັງໃຫ້ຂ້ຽວເລັ່ງຊຸກຍູ້ຂະບວນການຫັນເປັນຫຼາຍຝ່າຍຂອງ "ຂໍ້ລິເລີ່ມຊຽງໃໝ່"
cri
Author: m
ຕາມຂ່າວສານຊິ່ນຮວາ: ວັນທີ 5 ພຶດສະພານີ້, ຢູ່ກຽວໂຕ, ທ່ານຈິ່ນເຢັນຊິ້ງ ລັດຖະມົນຕີກະຊວງການເງິນຈີນກ່າວວ່າ, ຫວັງໃຫ້ຝ່າຍຕ່າງໆຂ້ຽວເລັ່ງຊຸກຍູ້ຂະບວນການຫັນເປັນຫຼາຍຝ່າຍຂອງ "ຂໍ້ລິເລີ່ມຊຽງໃໝ່".
ໃນເວລາໃຫ້ສຳພາດຕໍ່ສື່ມວນຊົນຫຼັງກອງປະຊຸມລັດຖະມົນຕີອາຊຽນກັບຈີນ, ຍີ່ປຸ່ນ, ແລະສ.ເກົາຫຼີຄັ້ງທີ 10 ທີ່ສິ້ນສຸດລົງໃນມື້ດຽວກັນ, ທ່ານຈິ່ນເຢັນຊິ້ງເວົ້າວ່າ, ໃນ 10 ປີທີ່ກົນໄກຮ່ວມມື 10 ບວກ 3 ສ້າງຂຶ້ນ, "10 ບວກ 3" ໄດ້ກາຍເປັນເຂດໜຶ່ງທີ່ມີຊີວິດຊີວາຫຼາຍກວ່າໝູ່ໃນທົ່ວໂລກ, ໝາກຜົນຕັ້ງໜ້າທີ່ສຸດຂອງກອງປະຊຸມເທື່ອນີ້ກໍ່ແມ່ນຝ່າຍຕ່າງໆໄດ້ບັນລຸຄວາມເຫັນເປັນເອກະສັນກັນກ່ຽວກັບການຊຸກຍູ້ຂະບວນການຫັນເປັນຫຼາຍຝ່າຍຂອງ "ຂໍ້ລິເລີ່ມຊຽງໃໝ່". ທ່ານຈິ່ນເຢັນຊິ້ງຊີ້ອອກວ່າ, ການຊຸກຍູ້ການຫັນເປັນຫຼາຍຝ່າຍຂອງ "ຂໍ້ລິເລີ່ມຊຽງໃໝ່" ມີຄວາມໝາຍສຳຄັນຫຼາຍຕໍ່ອາຊີ, ການສ້າງຄັງສະສົມເງິນຕາຕ່າງປະເທດທີ່ມີກົດໝາຍຈຳກັດ, ໃຫ້ບັນດາປະເທດຄຸ້ມຄອງເອົາເອງໃນເວລາປົກກະຕິ, ຕາບໃດປະກົດມີວິກິດການແລະຄວາມສ່ຽງ, ກໍ່ໃຫ້ບັນດາປະເທດຮ່ວມກັນຄຸ້ມຄອງເພື່ອຮັບມືກັບວິກິດການ.
|
|
