|
ຜູ່ປະກອບອາຊີບກ່ຽວກັບເສດຖະກິດສ່ວນຕົວບຸກຄົນແລະເອກະຊົນຂອງຈີນມີເຖິງ120ລ້ານຄົນ
cri
ຕາມຂ່າວສານຊິນຮວາ,ຕົວເລກສະຖິຕິຫຼ້າສຸດຂອງກົມຄຸ້ມຄອງບໍລິຫານອຸດສາຫະກຳການຄ້າແຫ່ງຊາດຈີນສະແດງໃຫ້ເຫັນວ່າ,ປີ2006,ຜູ່ປະກອບອາຊີບກ່ຽວກັບເສດຖະກິດສ່ວນຕົວບຸກຄົນແລະເອກະຊົນຂອງຈີນໄດ້ບັນລຸເຖິງ120ລ້ານຄົນ,ເພີ່ມຂຶ້ນຫຼາຍກວ່າປີ2005 ເກືອບ10%,ກວມ15%ຂຶ້ນໄປຂອງຜູ່ປະກອບອາຊີບໃນທົ່ວປະເທດ.
ສະຖິຕິສະແດງໃຫ້ເຫັນວ່າ,ນັບມາຮອດທ້າຍປີ2006,ຈຳນວນຄອບຄົວທຸລະກິດແລະວິສາຫະກິດເອກະຊົນໄດ້ຫຼາຍກວ່າ30ລ້ານຫົວໜ່ວຍ.ທຶນຈົດທະບຽນມີເຖິງ8000ກວ່າຕື້ຢວນ.ເສດຖະກິດສ່ວນຕົວບຸກຄົນແລະເອກະຊົນໄດ້ກາຍເປັນກຳລັງສຳຄັນທີ່ຊຸກຍູ້ໃຫ້ເສດຖະກິດຈີນເຕີບໂຕ,ເຮັດໃຫ້ການເງິນມີລາຍໄດ້ເພີ່ມຂຶ້ນ,ຊຸກຍູ້ການປະກອບອາຊີບ,ເຮັດໃຫ້ຕະຫຼາດຊົນນະບົດແລະຕົວເມືອງພັດທະນາຢ່າງຟົດຟື້ນ,ປົກປັກຮັກສາສະຖຽນລະພາບຂອງສັງຄົມ.
ຜູ່ຮັບຜິດຊອບທີ່ກ່ຽວຂ້ອງຂອງກົມຄຸ້ມຄອງບໍລິຫານອຸດສາຫະກຳການຄ້າແຫ່ງຊາດຈີນກ່າວວ່າ,ຈີນຈະສືບຕໍ່ສົ່ງເສີມ,ສະໜັບສະໜູນແລະຊັກນຳການພັດທະນາເສດຖະກິດສ່ວນຕົວບຸກຄົນແລະເອກະຊົນຈີນຢ່າງໝັ້ນໜຽວບໍ່ປ່ຽນແປງ.
|
|
