|
|
 |
| (GMT+08:00)
2007-05-08 17:32:18
|
 |
|
ການກວດສອບແລະຊົມເຄື່ອງວິຈິດຕະກຳກາຍເປັນຄວາມນິຍົມໃໝ່ໃນຍາມພັກຂອງຄົນຈີນ
cri
ຕາມຂ່າວສານຊິນຮວາ,ໃນສັບປະດາຄຳທີ່ຫາກໍ່ຜ່ານມາຄືການພັກຍາວໃນວັນກຳມະກອນສາກົນຂອງຈີນ,ຄົນຈີນໄດ້ພັກຜ່ອນຢ່ອນອາລົມດ້ວຍຫຼາຍວິທີ,ໃນນັ້ນ,ການກວດສອບແລະຊົມເຄື່ອງວິຈິດຕະກຳພວມກາຍເປັນຄວາມນິຍົມໃໝ່ເພື່ອພັກຜ່ອນຢ່ອນອາລົມຂອງຫຼາຍໆຄົນ.
ໃນຍາມພັກວັນກຳມະກອນສາກົນ,ຫໍພິພິດທະພັນແຫ່ງຕ່າງໆເຊັ່ນປັກກິ່ງ,ຊຽງໄຮ້ແລະເສິນຢາງເປັນຕົ້ນມີຜູ່ຊົມຫຼາຍກວ່າຍາມທຳມະດາໜຶ່ງເທົ່າຂຶ້ນໄປ,ຕະຫຼາດເຄື່ອງເກົ່າຂອງແກ່ບາງແຫ່ງໜາແໜ້ນໄປດ້ວຍຜູ່ຄົນ,ໃນນັ້ນ,ມີຊາວໜຸ່ມບໍ່ໜ້ອຍ.ໃນຫຼາຍປີມານີ້,ນັກສະສົມເຄື່ອງເກົ່າຂອງແກ່ຂອງຈີນເພີ່ມຂຶ້ນຄູ່ປີ,ແລະມີລະດັບສູງຂຶ້ນເປັນກ້າວໆ.ນັກສະສົມທີ່ມີກຳລັງຊື້ສູງໄດ້ເຂົ້າຮ່ວມໃນງານປະມູນຂາຍຕ່າງໆຢູ່ພາຍໃນປະເທດແລະຕ່າງປະເທດເພື່ອຊື້ເຄື່ອງວິຈິດຕະກຳ.ນັກສະສົມຈຳນວນໜຶ່ງທີ່ມີສິ່ງສະສົມຫຼາຍພໍສົມຄວນຍັງໄດ້ພາກັນສ້າງຫໍພິພິດທະພັນສ່ວນຕົວອີກດ້ວຍ.
ຜູ່ຊ່ຽວຊານຊີ້ອອກວ່າ,ປະຈຸບັນ,ຊຸມຊົນສະສົມຂອງຈີນໄດ້ກວມທຸກຊັ້ນຄົນໃນສັງຄົມ,ການກວດສອບແລະຊົມເຄື່ອງວິຈິດຕະກຳໄດ້ກາຍເປັນຮູບການສຳຄັນຂອງຄົນຈີນເພື່ອສ້າງພາບພົດໃໝ່ໃຫ້ແກ່ຕົວເອງແລະຍົກຄຸນນະພາບຊີວິດໃຫ້ສູງຂຶ້ນ.
|
|
|
