|
ຈີນບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ອາເມລິກາທີ່ບິດເບືອນແລະກ່າວໂຈມຕີນະໂຍບາຍສາສະໜາແລະຊົນເຜົ່າຂອງຈີນ
cri
ຕາມຂ່າວສານຊິນຮວາ,ວັນທີ8ພຶດສະພານີ້,ນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ຈີນບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ຄະນະກຳມະການສາກົນຂອງອາເມລິກາເພື່ອເສລີພາບໃນການນັບຖືສາສະໜາທີ່ບິດເບືອນແລະກ່າວໂຈມຕີນະໂຍບາຍສາສະໜາແລະຊົນເຜົ່າຂອງຈີນ.
ນາງຈ່ຽງອີກ່າວວ່າ,ໃນບົດລາຍງານປະຈຳປີ2007ຂອງຄະນະກຳມະການນີ້ໄດ້ວິຈານຢ່າງໄຮ້ເຫດຜົນອີກຕໍ່ສະພາບສາສະໜາຂອງປະເທດພວມພັດທະນາຈຳນວນໜຶ່ງເຊິ່ງລວມທັງຈີນ.ເນື້ອໃນທີ່ກ່ຽວກັບຈີນແມ່ນໄຮ້ຄວາມເປັນຈິງແລະເຕັມໄປຄວາມອະຄະຕິ,ບິດເບືອນແລະກ່າວໂຈມຕີນະໂຍບາຍດ້ານສາສະໜາແລະຊົນເຜົ່າຂອງຈີນ,ຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ເລື່ອງນີ້.
ນາງຈ່ຽງອີກ່າວວ່າ,ລັດຖະບານຈີນປົກປ້ອງເສລີພາບດ້ານການເຊື່ອຖືສາສະໜາຂອງພົນລະເມືອງຕາມກົດໝາຍ,ພົນລະເມືອງຈີນມີສິດເສລີພາບຢ່າງເຕັມສ່ວນໃນການເຊື່ອຖືສາສະໜາຕາມກົດໝາຍ,ນີ້ແມ່ນເລື່ອງຈິງທີ່ໃຜໆກໍຮູ້ເຫັນ.
|
|
