|
ຕາມຂ່າວCRI:ອັງກໍວັດທີ່ຕັ້ງຢູ່ແຂວງຊຽມຣຽບຂອງກຳປູເຈຍລືຊາຜາກົດໃນທົ່ວໂລກ,ແລະໄດ້ຖືກຈັດເຂົ້າເປັນມໍລະດົກໂລກຂອງສະຫະປະຊາຊາດ.ຫວ່າງມໍ່ໆນີ້,ຄະນະລາຍງານຂ່າວທີ່ປະກອບດ້ວຍນັກຂ່າວວິທະຍຸສາກົນແຫ່ງປະເທດຈີນແລະສະຖານີວິທະຍຸກະຈາຍສຽງປະຊາຊົນກວງຊີໄດ້ໄປເອົາຂ່າວຢູ່ອັງກໍວັດ,ໄດ້ຮູ້ເຫັນ ຄວາມເອົາໃຈໃສ່ຂອງລັດຖະບານກຳປູເຈຍແລະປະຊາຄົມໂລກທີ່ມີຕໍ່ບູຮານສະ ຖານແຫ່ງນີ້ຢ່າງແທ້ຈິງ.ວັນທີ8ພຶດສະພາ,ທ່ານຄອຍຊາງ ຫົວໜ້າພະແນກທ່ອງທ່ຽວຂອງແຂວງຊຽມລຽບ ກຳປູເຈຍໄດ້ແນະນຳສະພາບການດຳເນີນໂຄງການທ່ອງທ່ຽວຢູ່ອັງກໍວັດພ້ອມດ້ວຍການປະຕິສັງຂອນແລະອະນຸລັກວັດຖຸບູຮານໃນຫຼາຍປີມານີ້ໃຫ້ນັກຂ່າວຈີນ ຊາບ.ທ່ານເວົ້າວ່າ:"ດຽວນີ້,ຈຳນວນນັກທ່ອງທ່ຽວທີ່ມາທ່ຽວອັງກໍວັດໄດ້ເພີ່ມຂຶ້ນປີລະ30%ຫາ35%ຕໍ່ປີ,ໃນໄຕມາດທີໜຶ່ງປີນີ້ໄດ້ດຶງດູດນັກທ່ອງທ່ຽວ5ແສນ3ໝື່ນຄົນ,ໃນນັ້ນມີນັກທ່ອງທ່ຽວຕ່າງປະເທດ3ແສນ8ໝື່ນຄົນ."
ແຕ່ວ່າ,ຍ້ອນຝົນເຊາະລົມພັດແລະເສິກສົງຄາມທຳລາຍ,ເຮັດໃຫ້ບູຮານສະຖານຫຼາຍບ່ອນເພພັງ,ແລະນັກທ່ອງທ່ຽວມາທ່ຽວຢ່າງບໍ່ຂາດສາຍກໍເຮັດໃຫ້ວຽກງານອະນຸລັກອັງກໍວັດຫຍຸ້ງຍາກຂຶ້ນຫຼາຍ.ເພື່ອປະຕິສັງຂອນແລະອະນຸລັກອັງກໍວັດໃຫ້ດີກວ່າເກົ່າ,ລັດຖະບານກຳປູເຈຍດ້ານໜຶ່ງໄດ້ປັບປຸງກົນໄກການທ່ອງທ່ຽວໃຫ້ສົມ ບູນຂຶ້ນ,ອີກດ້ານໜຶ່ງກໍຕັ້ງໜ້າຍາດແຍ່ງການຊ່ອຍເຫຼືອຈາກປະເທດຕ່າງໆໃນໂລກ.ປະຈຸບັນນີ້ໄດ້ມີ10ກວ່າປະເທດ ເຊັ່ນ ຝຣັ່ງ ອິນເດຍ ຍີ່ປຸ່ນ ເຢຍລະມັນແລະອີຕາລີເປັນຕົ້ນເຂົ້າຮ່ວມການອະນຸລັກແລະປະຕິສັງຂອນອັງກໍວັດດ້ວຍຮູບການຕ່າງໆ. ສ່ວນຈີນກໍໄດ້ສົ່ງຜູ້ຊ່ຽວຊານວັດຖຸບູຮານຜູ້ດີເລີດໄປເຂົ້າຮ່ວມໂຄງການສຳຄັນນີ້.
ໃນຊຸມປີ1990,ໂດຍຕອບສະໜອງຕາມຄວາມຮຽກຮ້ອງຂອງອົງການຢູ່ເນັສໂກ,ລັດຖະບານຈີນໄດ້ຈັດງົບປະມານ,ແຕ່ງຕັ້ງຜູ່ຊ່ຽວຊານວັດຖຸບູຮານໄປເຂົ້າຮ່ວມການປະຕິສັງຂອນອະນຸລັກຮ່ອງຮອຍອັງກໍວັດ,ແລະໄດ້ເລືອກສ້ອມແປງວັດເປຼ ປຼາສາດອັງກໍວັດທີ່ເປ່ເພອ່າວໜັກໜ່ວງນັ້ນເປັນໂຄງການຊ່ອຍສ້ອມແປງ.ນີ້ແມ່ນໂຄງການທຳອິດທີ່ລັດຖະບານຈີນຊ່ວຍເຫຼືອຕ່າງປະເທດສ້ອມແປງມໍລະດົກວັດທະນະທຳຂະໜາດໃຫຍ່.
ເມື່ອໄດ້ສຳຫຼວດແລະເກັບກຳຂໍ້ມູນເປັນເວລາ1ປີແລ້ວ,ຜູ່ຊ່ຽວຊານອະນຸລັກວັດຖຸບູຮານຂອງຈີນໄດ້ລົງມືສ້ອມແປງວັດເປຼ ປຼາສາດຢ່າງເປັນທາງການໃນປີ1999.ທ່ານຈ່ຽງຫວຍອິງ ຫົວໜ້າໜ່ວຍງານຊ່ວຍເຫຼືອກຳປູເຈຍອະນຸລັກອັງກໍວັດຂອງຈີນເວົ້າສູ່ຟັງວ່າ,
"ຕອນທີ່ພວກຂ້າພະເຈົ້າຫາກໍ່ມາຮອດອັງກໍວັດນັ້ນ,ວັດເປຼ ປຼາສາດເກືອບວ່າແມ່ນວັດຮ້າງທີ່ເຫຼືອແຕ່ຊາກສະຫຼັກຫັກພັງ,ສິ້ນສ່ວນ4000ກວ່າອັນກະຈັດກະຈາຍຢູ່ໃນແລະນອກບໍລິເວນວັດເກົ່າ.ໃນເວລາທີ່ພວກຂ້າພະເຈົ້າຫາກໍ່ມາຮອດ,ບໍ່ມີຂໍ້ມູນເອກະສານຫຍັງເລີຍ,ແລະ ບໍ່ຮູ້ຮູບຮ່າງດັ້ງເດີມຂອງສິ່ງກໍ່ສ້າງ,ສະນັ້ນ,ທຸກສິ່ງທຸກຢ່າງຕ້ອງເລີ່ມຕົ້ນໃໝ່,ຂ້າພະເຈົ້າຕ້ອງຄົ້ນຄວ້າອົງປະກອບຂອງສິ່ງກໍ່ສ້າງ ອັງກໍວັດຄືນໃໝ່,ຈິ່ງສາມາດສ້ອມແປງໄດ້." ເມື່ອໄດ້ທຳຄວາມພະຍາຍາມມາ10ປີ,ໂຄງການສ້ອມແປງວັດເປຼ ປຼາສາດ ໃກ້ຈະສຳເລັດແລ້ວ.ອົງການຢູ່ເນັສໂກຂອງສະຫະປະຊາຊາດແລະລັດຖະບານລາຊະອານາຈັກກຳປູເຈຍໄດ້ຕີລາຄາສູງຕໍ່ວຽກງານສ້ອມແປງ.ລັດຖະບານກຳປູເຈຍຍັງໄດ້ມອບຫຼຽນໄຊລະດັບຊາດໃຫ້ທ່ານຈ່ຽງຫວຍອິ່ງ ຫົວໜ້າໜ່ວຍງານແລະທ່ານຫຼີວຈ່ຽງໂກ ຮອງຫົວໜ້າຈີນ.ນີ້ແມ່ນຄັ້ງທຳອິດທີ່ລັດຖະບານລາຊະອານາຈັກກຳປູເຈຍມອບຫຼຽນໄຊລະດັບຊາດໃຫ້ຜູ່ຊ່ຽວຊານຕ່າງປະເທດ.
ປັດຈຸບັນ,ໜ່ວຍງານຈີນໄດ້ລົງມືສ້ອມແປງຮ່ອງຮອຍປະຫວັດສາດອີກແຫ່ງໜຶ່ງຂອງອັງກໍວັດແລ້ວ.ໂດຍໄດ້ຮັບການຊ່ວຍເຫຼືອຈາກປະເທດຕ່າງໆໃນໂລກ,ບູຮານສະຖານອັງກໍວັດພວມປະກົດໃຫ້ເຫັນໂສມໜ້າທີ່ຈົບງາມກວ່າເກົ່າຕໍ່ຊາວໂລກ.
|
