|
ຜູ້ແທນຈີນຮຽກຮ້ອງໃຫ້ປະເທດພັດທະນາແລ້ວແລະປະເທດພວມພັດທະນາພ້ອມກັນຫາບແບກໜ້າທີ່ເພື່ອບັນລຸການພັດທະນາຢ່າງຍືນຍົງ
cri
Author: shuo
ຕາມຂ່າວCRI:ວັນທີ9ພຶດສະພານີ້,ໃນເວລາປະກອບຄຳຄິດຄຳເຫັນໃນກອງປະຊຸມລະດັບສູງຂອງຄະນະກຳມະການພັດທະນາຢ່າງຍືນຍົງຂອງສະຫະປະຊາຊາດທີ່ຈັດຂຶ້ນຢູ່ນິວ ຢອກ,ທ່ານຕູ້ອິ່ງ ຮອງປະທານຄະນະກຳມະການພັດທະນາແລະປະຕິຮູບແຫ່ງລັດຈີນ ກ່າວເນັ້ນວ່າ,ປະເທດພັດທະນາກັບປະເທດພວມພັດທະນາຄວນພ້ອມກັນຫາບແບກໜ້າທີ່,ແກ້ໄຂບັນຫາສິ່ງແວດລ້ອມທີ່ມະນຸດພວມເປັນຫ່ວງ.
ທ່ານຕູ້ອິ່ງກ່າວວ່າ,ສະພາບແຫ່ງຊາດແລະຂັ້ນຕອນການພັດທະນາຂອງປະເທດຕ່າງໆໃນໂລກຕ່າງກັນ,ໜ້າທີ່ຫາບແບກກໍ່ຄວນຕ່າງກັນ.ປະເທດພວມພັດທະນາຄວນອີງໃສ່ຈຸດພິເສດຂອງຕົນ,ເລືອກເອົາເສັ້ນທາງພັດທະນາອຸດສາຫະກຳແລະອົງປະກອບພະລັງງານອັນເໝາະສົມ,ຍົກປະສິດທິພາບການນຳໃຊ້ຊັບພະຍາກອນແລະພະລັງງານໃຫ້ສູງຂຶ້ນຈົນສຸດຄວາມສາມາດ;ປະເທດພັດທະນາແລ້ວຄວນນຳໜ້າປ່ຽນແປງຮູບແບບການບໍລິໂພກ ແລະການຜະລິດທີ່ບໍ່ຍືນຍົງ,ປະຕິບັດໜ້າທີ່ແລະຄຳໝັ້ນສັນຍາຢ່າງແທ້ຈິງ,ສະໜອງການ ຊ່ອຍເຫຼືອໃຫ້ແກ່ປະເທດພວມພັດທະນາຢ່າງບັງເກີດຜົນ.
|
|
