|
|
 |
| (GMT+08:00)
2007-05-11 18:43:05
|
 |
|
ສະພາຕ່ຳອາເມລິກາໄດ້ຮັບຮອງຍັດຕິຈັດງົບປະມານດ່ວນເພື່ອສົງຄາມ
cri
ຂ່າວCRI,ວັນທີ10ພຶດສະພານີ້,ສະພາຕ່ຳອາເມລິກາໄດ້ຮັບຮອງຍັດຕິຈັດງົບປະມານດ່ວນເພື່ອສົງຄາມໂດຍແບ່ງເປັນໄລຍະສະບັບໃໝ່.
ຕາມຍັດຕິສະບັບນີ້,ລັດຖະສະພາຈະຈັດງົບປະມານພຽງແຕ່40ຕື້ກວ່າໂດລາເຊິ່ງສາມາດສະໜັບສະໜູນກອງທະຫານອາເມລິກາປະຈຳອີຣັກໄປຮອດທ້າຍເດືອນກໍລະກົດປີນີ້.ຍັດຕິຍັງໄດ້ຮຽກຮ້ອງໃຫ້ລັດຖະບານບຸສຍື່ນບົດລາຍງານກ່ຽວກັບສະຖານະການອີຣັກໃຫ້ລັດຖະສະພາກ່ອນວັນທີ13ກໍລະກົດປີນີ້,ແລ້ວລັດຖະສະພາຈິ່ງອີງຕາມບົດລາຍງານດັ່ງກ່າວເພື່ອຕົກລົງວ່າງົບປະມານງວດຕໍ່ໄປທີ່ຕົກເປັນເງິນ50ຕື້ໂດລາຈະໃຊ້ເຂົ້າໃນການສະໜັບສະໜູນກອງທະຫານອາເມລິກາສືບຕໍ່ປະຕິບັດໜ້າທີ່ຢູ່ອີຣັກຫຼືບໍ່?
ມື້ດຽວກັນ,ທ່ານຈອດຈ໌ ບຸສ ປະທານາທິບໍດີອາເມລິກາກ່າວວ່າ,ຍັດຕິສະບັບໃໝ່ຂອງພັກເດໂມແຄັຼດແມ່ນເຮັດຕາມໃຈແລະບໍ່ຄົບຖ້ວນ,ທ່ານທວງໃຫ້ລັດຖະສະພາໃຫ້ໂອກາດແກ່ແຜນການເພີ່ມທະຫານຢູ່ອີຣັກຂອງທ່ານ.
ມື້ດຽວກັນ,ສະພາຕ່ຳອາເມລິກາຍັງໄດ້ຢັບຢັ້ງຍັດຕິກ່ຽວກັບການຮຽກຮ້ອງໃຫ້ລັດຖະບານຖອນທະຫານອອກຈາກອີຣັກພາຍໃນ9ເດືອນໂດຍມີ255ບັດເຫັນດີແລະ171ບັດຄັດຄ້ານ.
|
|
|
