|
|
 |
| (GMT+08:00)
2007-05-12 16:52:15
|
 |
|
ຈີນເລີ່ມຄົ້ນຄວ້າຍຸດທະສາດມະຫາພາກກ່ຽວກັບສິ່ງແວດລ້ອມ
cri
ຕາມຂ່າວສານຊິ່ນຮວາ: ເພື່ອຜ່ອນຄາຍຄວາມຂັດແຍ່ງລະຫວ່າງການພັດທະນາເສດຖະກິດສັງຄົມກັບຊັບພະຍາກອນແລະສິ່ງແວດລ້ອມ, ເພື່ອອຳນວຍຫຼັກອ້າງອີງຕົກລົງນະໂຍບາຍແລະຊີ້ນຳວຽກງານອະນຸລັກສິ່ງແວດລ້ອມໃນອະນາຄົດ, ວັນ ທີ 11 ພຶດສະພານີ້, ຈີນໄດ້ເລີ່ມດຳເນີນການຄົ້ນຄວ້າຍຸດທະສາດມະຫາພາກກ່ຽວກັບສິ່ງແວດລ້ອມ.
ການຄົ້ນຄ້ານີ້ນຳພາໂດຍສະພາບັນດິດວິສະວະກຳຈີນແລະກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນ, ໄດ້ເຊີນບັນດິດ, ຜູ້ຊ່ຽວຊານແລະນັກປາດທີ່ມີຊື່ສຽງຫຼາຍໆຄົນຂອງຈີນມາໂຮມກັນ, ໂດຍມີທ່ານຊີຄວ່າງຕິ ປະທານສະພາບັນດິດສະວິສະວະກຳຈີນເປັນຫົວໜ້າໜ່ວຍນຳພາ.
ທ່ານເຈິ່ງເພີຍຢຽນ ຮອງນາຍົກລັດຖະມົນຕີຈີນໄດ້ເຂົ້າຮ່ວມພິທີເລີ່ມດຳເນີນການຄົ້ນຄວ້າເທື່ອນີ້ແລະໄດ້ກ່າວຄຳປາໄສ. ທ່ານເຈີງເພີຍຢຽນກ່າວວ່າ, ການປະຕິບັດໂຄງການຄົ້ນຄວ້າຍຸດທະສາດມະຫາພາກກ່ຽວກັບສິ່ງແວດລ້ອມຂອງຈີນ, ແມ່ນມາດຕະການສຳຄັນເພື່ອປະຕິບັດພັດທະນະທັດວິທະຍາສາດຢ່າງຮອບດ້ານ, ສ້າງສັງຄົມແບບປະຢັດຊັບພະຍາກອນແລະເຮັດດີຕໍ່ສິ່ງແວດລ້ອມ. ທ່ານຮຽກຮ້ອງໃຫ້ຜູ້ຄົ້ນຄວ້າຕິດຕາມທິດຂະຫຍາຍຕົວໃໝ່ແລະເຕັກນິກໃໝ່ຂອງການຄົ້ນຄວ້າໃນຂົງເຂດສິ່ງແວດລ້ອມສາກົນຢ່າງໃກ້ຊິດ, ເພື່ອສະໜອງບົດຮຽນທີ່ມີຜົນດີໃຫ້ແກ່ວຽກງານອະນຸລັກສິ່ງແວດລ້ອມຂອງຈີນ.
|
|
|
