|
ເຈົ້າໜ້າທີ່ມຽນມາຫວັງໃຫ້ມິດຕະພາບຈີນມຽນມາເພີ່ມຂຶ້ນຕື່ມອີກ
cri
ຕາມຂ່າວ CRI: ວັນທີ 11 ພຶດສະພານີ້, ຢູ່ເນປີຕໍ ນະຄອນຫຼວງມຽນມາ, ນາຍພົນຈັດຕະວາ ຈໍ່ຊ່ານ, ລັດຖະມົນຕີກະຊວງໂຄສະນາການມຽນມາກ່າວວ່າ, ມິດຕະພາບມຽນມາຈີນມີມາຍາວນານ, ຫວັງວ່າ ການພົວພັນຮ່ວມມືດ້ວຍໄມຕີຈິດລະຫວ່າງສອງປະເທດຄົງຈະໄດ້ຮັບການຂະຫຍາຍຕົວຕື່ມອີກ.
ໃນເວລາໃຫ້ສຳພາດຕໍ່ຄະນະຮ່ວມສຳພາດແຫ່ງ "ການເດີນທາງເພື່ອການຮ່ວມມືກັນຈີນອາຊຽນ", ນາຍພົນຈັດຕະວາຈໍ່ຊ່ານເວົ້າວ່າ, ປະຈຸບັນ, ການຮ່ວມມືລະຫວ່າງຈີນກັບມຽນມາໃນວຽກງານສາກົນແລະໃນຂົງເຂດຕ່າງໆ, ເຊັ່ນການເມືອງ, ເສດຖະກິດເປັນຕົ້ນແມ່ນຢູ່ໃນໄລຍະດີທີ່ສຸດ. ໃນວຽກງານສາກົນ, ຈີນໄດ້ສະໜັບສະໜູນຫຼັກໝັ້ນຂອງມຽນມາຕະຫຼອດມາ, ມຽນມາກໍ່ສະໜັບສະໜູນ ຫຼັກການປະເທດຈີນດຽວໂດຍຕະຫຼອດ.
ມື້ດຽວກັນ, ຄະນະຮ່ວມສຳພາດຍັງໄດ້ສຳພາດເຈົ້າໜ້າທີ່ຊັ້ນສູງຫຼາຍທ່ານ, ເຊັ່ນ: ນາຍພົນຕີໂຊນາຍ, ລັດຖະມົນຕີກະຊວງໂຮງແຮມແລະການທ່ອງທ່ຽວມຽນມາແລະທ່ານອູເມຍອູ ລັດຖະມົນຕີຊ່ອຍວ່າການກະຊວງສາທາລະນະສຸກເປັນຕົ້ນ, ພວກເພິ່ນຕ່າສງໄດ້ສະແດງຄວາມຂອບໃຈນຳຈີນທີ່ໄດ້ໃຫ້ການສະໜັບສະໜູນການຮ່ວມມືຕື່ມອີກໃນຂົງເຂດຕ່າງໆ, ເຊັ່ນ: ການທ່ອງທ່ຽວ, ສາທາລະນະສຸກແລະການສຶກສາເປັນຕົ້ນ.
|
|
