|
ວັນທີ12ພຶດສະພານີ້,ທ່ານບົວສອນ ບຸບຜາວັນ ນາຍົກລັດຖະມົນຕີລາວກ່າວວ່າ,ລາວຈະຖອດຖອນເອົາບົດຮຽນຂອງຈີນໃນການໄຂປະຕູສູ່ພາຍນອກເປັນເວລາເກືອບ30ປີມານີ້,ຍຶດໝັ້ນເສັ້ນທາງປ່ຽນແປງໃໝ່ຂອງຕົນ.
ຄະນະນັກຂ່າວໄດ້ມອບຂອງຂວັນລະລຶກງານກິລາໂອລິມປິກປັກກິ່ງປີ2008ໃຫ້ທ່ານບົວສອນ
ຕອນເຊົ້າວັນທີ12ພຶດສະພານີ້,ຢູ່ສຳນັກງານນາຍົກລັດຖະມົນຕີລາວ,ທ່ານບົວສອນໄດ້ໃຫ້ສຳພາດແກ່ຄະນະນັກຂ່າວວິທະຍຸໂທລະພາບຂະໜາດໃຫຍ່ທີ່ມີຊື່ວ່າ"ການເດີນທາງແຫ່ງການຮ່ວມມືຈີນອາຊຽນ" ທ່ານບົວສອນກ່າວວ່າ,ການປ່ຽນແປງໃໝ່ໄຂປະຕູສູ່ພາຍນອກແມ່ນນະໂຍບາຍອັນສຳຄັນຂອງລາວ,ຕ້ອງຍຶດໝັ້ນຕໍ່ໄປ.ການປະຕິຮູບແລະໄຂປະຕູສູ່ພາຍນອກຂອງຈີນໃນ30ປີມານີ້ໄດ້ຮັບໝາກຜົນຢ່າງຫຼວງຫຼາຍ,ເຊິ່ງກໍເປັນການໃຫ້ກຳລັງໃຈອັນແຂງແຮງໃຫ້ແກ່ການປ່ຽນແປງໃໝ່ຂອງລາວ.ທ່ານກ່າວວ່າ,ສອງປະເທດລາວຈີນມີອຸດົມການການເມືອງທີ່ຄືກັນ,ລາວສາມາດຖອດຖອນເອົາບົດຮຽນຂອງຈີນໃນທຸກດ້ານ.ໃນເວລາໃຫ້ສຳພາດ,ທ່ານບົວສອນບຸບຜາວັນຍັງໄດ້ກ່າວເຖິງວິທະຍຸສາກົນແຫ່ງປະເທດຈີນFM93MHzທີ່ເລີ່ມອອກອາກາດໃນເດືອນພະຈິກປີກາຍນີ້,ທ່ານກ່າວວ່າ,ການຮ່ວມມືລະຫວ່າງສື່ມວນຊົນຂອງລາວຈີນໄດ້ຊຸກຍູ້ໃຫ້ປະຊາຊົນສອງປະເທດເຂົ້າໃຈກັນ,ໃນຕໍ່ໜ້າ,ສື່ມວນຊົນສອງປະເທດສາມາດຊຸກຍູ້ການຮ່ວມມືກັນໃນດ້ານວິທະຍຸ,ໂທລະພາບແລະການພິມເປັນຕົ້ນ.
|
