|
|
 |
| (GMT+08:00)
2007-05-12 22:39:58
|
 |
|
ຈີນຈັດງົບປະມານອົບຮົມຊາວກະສິກອນທີ່ເຮັດວຽກໃນຕົວເມືອງ
cri
ຕາມຂ່າວສານຊິນຮວາ,ໃນງານສົນທະນາວຽກງານເຝິກອົບຮົມຊາວກະສິກອນທີ່ເຮັດວຽກຢູ່ໃນຕົວເມືອງຂອງຈີນທີ່ຈັດຂຶ້ນຢູ່ເມືອງກວາງໂຈ່ວໃນຫວ່າງມໍ່ໆນີ້,ທ່ານຈ່າງສ້ຽວຈ້ຽນ ລັດຖະມົນຕີຊ່ວຍວ່າການກະຊວງແຮງງານແລະປະກັນສັງຄົມຈີນກ່າວວ່າ,ແຕ່ປີ2006ຮອດທ້າຍເດືອນມີນາປີນີ້,ລັດຖະບານສູນກາງແລະອົງການປົກຄອງທ້ອງຖິ່ນຂອງຈີນໄດ້ຈັດງົບປະມານ2ຕື້140ລ້ານຢວນ,ເພື່ອເຝິກອົບຮົມຢ່າງຮອບດ້ານຕໍ່ຊາວກະສິກອນທີ່ເຮັດວຽກໃນຕົວເມືອງລວມ8ລ້ານ6ແສນຄົນ.
ຕາມຄາດຄະເນວ່າ,ຈີນມີຊາວກະສິກອນທີ່ເຂົ້າໄປເຮັດວຽກໃນຕົວເມືອງປະມານ200ລ້ານຄົນ.
ເພື່ອ ໃຫ້ຊາວກະສິກອນເຫຼົ່ານີ້ໄດ້ມີຊີບຄົງໝັ້ນຢູ່ໃນຕົວເມືອງ, ໃນປີ2006,ຈີນໄດ້ເລີ່ມປະຕິບັດ ແຜນການອົບຮົມວິຊາອາຊີບໃຫ້ແຮງງານຊົນນະບົດ.ນັບມາຮອດປັດຈຸບັນ,ທົ່ວປະເທດຈີນໄດ້ສ້າງຖານອົບຮົມຊາວກະສິກອນທີ່ເຮັດວຽກຢູ່ໃນຕົວເມືອງງວດໜຶ່ງແລະໄດ້ແນະນຳໜ້າທີ່ງານໃຫ້ເຂົາເຈົ້າໂດຍບໍ່ເກັບຄ່າ.ອົງການປົກຄອງທ້ອງຖິ່ນຕ່າງໆຍັງໄດ້ອອກແຮງປົກປ້ອງສິດແລະຜົນປະໂຫຍດຂອງຊາວກະສິກອນທີ່ເຮັດວຽກຢູ່ໃນຕົວເມືອງ,ປົວແປງສະພາບແວດລ້ອມເຮັດວຽກຂອງເຂົາເຈົ້າໃຫ້ດີຂຶ້ນ.
|
|
|
