|
ເອກອັກຄະລັດຖະທູດຈີນປະຈຳມຽນມາກ່າວວ່າຈີນຈະປະຕິບັດນະໂຍບາຍຮ່ວມມືກັບມຽນມາດ້ວຍໄມຕີຈິດຢ່າງໝັ້ນໜຽວ
cri
ຕາມຂ່າວCRI,ວັນທີ12ພຶດສະພາ,ຢູ່ທີ່ຢາງກຸງ,ທ່ານກວນມູ້ເອກອັກຄະລັດຖະທູດຈີນປະຈຳມຽນມາກ່າວວ່າ,ລັດຖະບານຈີນຈະປະຕິບັດນະໂຍບາຍຮ່ວມມືກັບມຽນມາດ້ວຍໄມຕີຈິດຢ່າງໝັ້ນໜຽວ.
ໃນເວລາໃຫ້ສຳພາດຕໍ່ຄະນະນັກຂ່າວວິທະຍຸ ໂທລະພາບຂະໜາດໃຫຍ່ທີ່ມີຊື່ວ່າ"ການເດີນທາງແຫ່ງການຮ່ວມມືຈີນອາຊຽນ"ນັ້ນ,ທ່ານກວນມູ້ກ່າວວ່າ,ສອງປະເທດຈີນມຽນມາມີກຳລັງບົ່ມຊ້ອນອັນມະຫາສານໃນການຮ່ວມມືດ້ານເສດຖະກິດການຄ້າ,ມີລັກສະນະຄ້ຳຊູກັນຢ່າງແຂງແຮງ.ຈີນຈະປະຕິບັດທິດທາງສັນຕິພາບ,ຮ່ວມມືກັນແລະມີໄມຕີຈິດຕໍ່ກັນຢ່າງເດັດດ່ຽວ,ພ້ອມກັນກັບປະເທດອາຊຽນເຊິ່ງລວມທັງມຽນມາ,ພັດທະນາເສດຖະກິດ,ຮັບປະກັນໃຫ້ພາກພື້ນແຫ່ງນີ້ມີສະພາບແວດລ້ອມທີ່ມີສັນຕິພາບຍາວນານ,ເຮັດໃຫ້ພາກພື້ນແຫ່ງນີ້ມີການພັດທະນາຢ່າງແຂງແຮງກວ່າເກົ່າ.
|
|
