|
|
 |
| (GMT+08:00)
2007-05-14 14:31:36
|
 |
|
ຈີນສົ່ງດາວທຽມສຶ່ສານເລກ 1 ຂອງນິເຊຣີຢ່າງສຳເລັດຜົນ
cri
ຕາມຂ່າວສານຊິ່ນຮວາ: ຕອນຂ້ອນແຈ້ງວັນທີ 14 ພຶດສະພານີ້, ຢູ່ສູນສົ່ງດາວທຽມຊີ່ຊ່າງຂອງຈີນ, ລູກສອນໄຟສົ່ງຍານຊາງເຈິ່ງເລກ 3 B ໄດ້ສົ່ງດາວທຽມສື່ສານເລກ 1 ຂອງນິເຊຣີຂຶ້ນສູ່ອະວະກາດຢ່າງສຳເລັດຜົນ, ແລະຈະເລີ່ມປະຕິບັດໜ້າທີ່ໄດ້ກ່ອນທ້າຍປີນີ້. ນີ້ແມ່ນເທື່ອທຳອິດທີ່ຈີນໃຫ້ການບໍລິການດ້ານດາວທຽມການຄ້າໃຫ້ແກ່ປະເລດລູກຄ້າສາກົນຢ່າງຄົບວົງຈອນຄືລວມທັງລູກສອນໄຟ, ດາວທຽມແລະການສົ່ງຂຶ້ນສູ່ອາວະກາດ.
ນັກຊ່ຽວຊານກ່າວວ່າ, ການປະຕິບັດໂຄງການນີ້, ບໍ່ພຽງແຕ່ຈະອຳນວຍໂອກາດປະກອບວຽກງານຢ່າງຫຼວງຫຼາຍໃຫ້ນິເຊຣີທໍ່ນັ້ນ, ແລະຍັງຈະຊ່ອຍຜູ້ໃຊ້ອິນເທີເນັດສາຍກວ້າງແລະຜູ້ໃຊ້ໂທລະສັບຂອງນິເຊຣີປະຢັດຄ່າໃຊ້ຈ່າຍປະມານຫຼາຍຮ້ອຍລ້ານໂດລາ. ນອກນີ້, ດາວທຽມຍັງຈະເສີມຂະຫຍາຍບົດບາດສຳຄັນໃນດ້ານຕ່າງໆ, ເຊັ່ນ: ການຄ້າເອເລັກໂຕຼນິກ, ການສຶກສາທາງໄກແລະການບໍລິຫານດ້ວຍເອເລັກໂຕຼນິກເປັນຕົ້ນ, ຊຸກຍູ້ການພັດທະນາທາງເສດຖະກິດສັງຄົມຂອງນີເຊຣີ, ຊຸກຍູ້ໃຫ້ແຜ່ນດິນໃຫຍ່ທະວີບອາຟຼິກາມີຄວາມກ້າວໜ້າທາງດ້ານການໃຊ້ດາວທຽມ, ໂທລະຄົມໜ້າດິນແລະເຄືອຍຂ່າຍໂທລະຄົມ.
|
|
|
